Published:Updated:

ஆன்லைன்... ஆஃப்லைன் - 14

ஆன்லைன்... ஆஃப்லைன்
பிரீமியம் ஸ்டோரி
ஆன்லைன்... ஆஃப்லைன்

நம் வீட்டிலிருக்கும் பொருள்களில் அதிக கிருமிகள் வாழும் பொருள்கள் எவையென நினைக்கிறீர்கள்?

ஆன்லைன்... ஆஃப்லைன் - 14

நம் வீட்டிலிருக்கும் பொருள்களில் அதிக கிருமிகள் வாழும் பொருள்கள் எவையென நினைக்கிறீர்கள்?

Published:Updated:
ஆன்லைன்... ஆஃப்லைன்
பிரீமியம் ஸ்டோரி
ஆன்லைன்... ஆஃப்லைன்

ழிப்பறை போன்ற நமக்குத் தெரிந்த இடங்களை விட்டுவிடுவோம். நாம் அன்றாடம் பயன்படுத்தும் பொருள்களை எடுத்துக்கொள்வோம். அப்படிப் பார்த்தால் ரூபாய்த்தாள்களும் மொபைல் போனும்தான் டாப் 3-ல் இருக்கும்.மருத்துவமனைகள், ஒயின் ஷாப்புகள், மாமிசக் கடைகள் என ரூபாய்த்தாள்கள் பல இடங்களைக் கடந்து வருகின்றன.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
ஆன்லைன்... ஆஃப்லைன் - 14

அவற்றிலிருக்கும் கிருமிகளின் அளவு அதிகம். அதற்கடுத்த இடத்திலிருப்பது மொபைல்தான். ரூபாய்த்தாள்களை சுத்தம் செய்ய முடியாது. ஆனால், மொபைலைச் சுத்தம் செய்யலாம். எப்போதாவது உங்கள் மொபைலை நீங்கள் சுத்தம் செய்ததுண்டா? பெரும்பாலான மொபைல்கள் வாட்டர் ப்ரூஃப் கிடையாது. எனவே தண்ணீரைப் பயன்படுத்தி சுத்தம் செய்ய முடியாத பொருள் ஸ்மார்ட்போன். இதற்கு வேறு வழிகள் உண்டு.

ஆன்லைன்... ஆஃப்லைன் - 14

எப்படிச் செய்ய வேண்டும்?

மாதம் ஒரு முறை ஒரு ஞாயிற்றுக்கிழமையில் 30 நிமிடங்கள் இதற்குச் செலவிட்டால் போதும்.

  • முதலில், மொபைலை சுவிட்ச் ஆஃப் செய்யவும்.

  • மொபைல் கேஸ் ஏதும் போட்டிருந்தால் அதையும் கழற்றவும்.

  • பேட்டரி தனியே எடுக்கக்கூடிய மொபைல் என்றால் அதையும் தனியே எடுக்கவும்.

  • மொபைலுக்கு ஸ்க்ராட்ச் கார்டு போட்டிருந்தால் அது நன்றாக இருக்கிறதா என்பதைச் சோதிக்கவும். மாற்ற வேண்டிய நிலையிலிருந்தால் அதையும் நீக்கவும்.

மொபைலைச் சுத்தம் செய்ய நமக்குச் சில பொருள்கள் தேவை. காட்டன் பட்ஸ், உலர்ந்த துணி, கொஞ்சம் ஆல்கஹால் அல்லது சுத்தம் செய்யக் கிடைக்கும் லிக்விட் க்ளீனர்ஸ், மைக்ரோ ஃபைபர் துணி

  • உங்கள் மொபைல் பிளாஸ்டிக்கால் ஆனதென்றால் காட்டன் பட்ஸை ஆல்கஹாலில் தோய்த்து, அதனால் மொபைல் பாகங்களைச் சுத்தப்படுத்தவும். மெட்டலால் ஆன பாடி என்றால் தண்ணீரில் நனைத்த பட்ஸே போதும்.

ஆன்லைன்... ஆஃப்லைன் - 14
  • கேமரா லென்ஸ், சார்ஜிங் போர்ட் என அனைத்தையும் பட்ஸால் சுத்தம் செய்யவும். செய்த உடனே, உலர்வான இன்னொரு காட்டன் பட் மூலம் மீண்டும் சுத்தம் செய்யவும்.

  • திரையை மைக்ரோ ஃபைபர் துணி கொண்டு துடைக்கவும். திரையைத் துடைக்கும்போதும் மேலிருந்து கீழ் வரை ஒரே ஃப்ளோவில் துடைக்கவும்.

  • சில மொபைல்கள் தடிமனாக இருக்கலாம். சில மொபைல்களின் கேஸிங்குகள் மெல்லியவையாக இருக்கலாம். அதனால். உடையாத அளவுக்குச் சரியான அழுத்தம் கொடுக்கவும்.

  • சில மொபைல்களின் பின்புறமும் கண்ணாடியால் செய்யப்பட்டிருக்கும். அவற்றை முன்பக்கத் திரையைத் துடைப்பதுபோலவே துடைக்க வேண்டியிருக்கும்.

  • மொபைலை சுத்தம் செய்வதுபோலவே அதன் துணைக்கருவிகளையும் சுத்தம் செய்வது நல்லது.

  • சிலர் மொபைல் கவர்களை நீண்ட நாள் கழற்றாமலே வைத்திருப்பார்கள். அப்போது உள்ளே நிறைய தூசு படர்ந்திருக்கும். அதை அப்படியே துணியால் துடைத்தால் கீறல்கள் விழலாம். நிறைய தூசு இருந்தால் அதை மெதுவாகச் சுத்தம் செய்ய வேண்டியிருக்கும். போலவே, மொபைலை சுத்தம் செய்த பின்னர் கவரையும் சுத்தம் செய்யவும். ஒருவேளை அதில் அழுக்கு போகவில்லையென்றால் கவரை மாற்றுவது நல்லது.

ஆன்லைன்... ஆஃப்லைன் - 14
  • ஆப்பிள் மொபைல்கள் தூசு எங்கும் உள்ளே நுழைய முடியாதபடி வடிவமைக்கப்பட்டிருக்கும். இருந்தாலும் சார்ஜிங் போர்ட் மற்றும் ஹெட்போன் துளைகளில் தூசு படியலாம். அந்தத் துளைகளை மொபைலோடு வந்த சிம் எஜெக்டர் (Sim ejector) பயன்படுத்தி சுத்தம் செய்யலாம்.

  • ஆண்டிராய்டோ ஆப்பிளோ... இரண்டின் துளைகளையும் சுத்தப்படுத்த இன்னொரு வழி காற்று. அழுத்தப்பட்ட காற்றைத் துளைகளுக்குள் செலுத்தித் தூசியை எடுக்கலாம். ஆனால், அந்தக் காற்றின் அழுத்தம் அதிகமாக இல்லாமல் பார்த்துக்கொள்ள வேண்டும்.

நிறைய பேர் வீட்டில் மொபைல்களைக் குழந்தைகளிடம் விளையாடத் தருகிறோம். குழந்தைகள் மொபைலை வாயில் வைத்துக் கடிப்பதுண்டு. அதனால் மொபைலைச் சுத்தமாக வைத்துக்கொள்வது குழந்தைக்கும் நல்லது; மொபைலுக்கும் நல்லது.

- ஸ்மார்ட் ஆவோம்