Published:Updated:

ஸ்மார்ட்போனில் 600 MP கேமரா... சாம்சங்கின் அடுத்த அதிரடி

சாம்சங் S20
சாம்சங் S20

பல்வேறு வகையான வாசனைகள் மற்றும் ருசிகளை கண்டறியும் சென்ஸார்களை தயாரிக்கும் முயற்சியில் சாம்சங் நிறுவனம் ஈடுபடுவதாக கூறப்பட்டுள்ளது.

இந்த நவீன ஸ்மார்ட்போன் யுகத்தில் தங்களின் வாடிக்கையாளர் சந்தையைத் தக்கவைத்து விரிவுப்படுத்த புதுப்புது தொழில்நுட்பங்களை அறிமுகப்படுத்தியும் வசதிகளை மேம்படுத்தியும் மொபைல் நிறுவனங்கள் தங்களுக்குள் போட்டிப்போட்டு வருகின்றன. அப்படி தென் கொரிய நாட்டு நிறுவனமான சாம்சங்கை பொறுத்தவரை அதன் லேட்டஸ்ட் வெளியீடான 108 மெகாபிக்ஸல் சென்சாரை கொண்ட S20 அல்ட்ராவின் விற்பனை கடந்த சில மாதங்களாக முன்னணியில் இருப்பதாக தெரிகிறது.

Samsung Unpacked Event
Samsung Unpacked Event
Jeff Chiu / AP

மொபைல் சாதனங்களின் புகைப்பட செயல்திறனை உயர்த்துவது ஒருபுறம் இருக்க தனது போன்களின் கேமரா மெகா பிக்ஸலை உயர்த்துவதில் கடந்த சில ஆண்டுகளாகவே அதிக கவனம் செலுத்திக்கொண்டிருக்கிறது சாம்சங். 12 பிக்ஸல்களில் இருந்த கேமராக்களை 64 பிக்ஸல், 108 பிக்ஸல் என வெகு விரைவாக அப்டேட் செய்த அந்நிறுவனம் தற்போது ஒரு புதிய ஆச்சரிய அப்டேட்டை அறிவித்துள்ளது. அந்நிறுவனத்தின் சென்சார் வியாபார தலைவரான யோன்கின் பார்க் தங்கள் நிறுவனம் 600 பிக்ஸல் திறன் கொண்ட சென்ஸார்களை தயாரிக்கும் முயற்சியில் தற்போது ஈடுபட்டுவருவதாக கூறியுள்ளார். மேலும் இந்த சென்ஸாரானது சுமார் 500 பிக்ஸல் வரை செயல்திறன் கொண்ட மனித கண்களை மிஞ்சும் என்றும் தெரிவித்துள்ளார்.

இது குறித்த அறிவிப்பில் அவர் வெளியிட்டதாவது, “ தற்போது அதிக பிக்ஸல் திறன் கொண்ட சென்ஸார்களை ஸ்மார்ட்போன்களில் மட்டுமே அதிக அளவில் பயன்படுத்திவருகிறோம். ஆனால் எதிர்கால வாகனங்கள் மற்றும் டிரேங்களை கருத்தில் கொண்டு இந்த முயற்சியில் இறங்கியுள்ளோம்” என்றார். இதுமட்டுமன்றி பல்வேறு வகையான வாசனைகள் மற்றும் ருசிகளை கண்டறியும் சென்ஸார்களை தயாரிக்கும் முயற்சியில் அந்நிறுவனம் ஈடுபடுவதாக அவர் தெரிவித்துள்ளார்.

பிரீமியம் ஃப்ளிப் போன், பிரமிக்க வைக்கும் S20 சீரிஸ்... இது சாம்சங் மேஜிக்!

64 மெகாபிக்ஸலில் இருந்து ஆறே மாதங்களில் 108 மெகாபிக்ஸலுக்கு தாவிய அந்நிறுவனம் 600 பிக்ஸல் சென்ஸார் எப்போது வெளியாகும் என்று எந்த தகவலையும் வெளியிடவில்லை. ஆனால் எதிர்காலத்தில் இது நிச்சயம் பயன்பாட்டிற்கு வரும் என உறுதியளித்துள்ளது சாம்சங்.

அடுத்த கட்டுரைக்கு