ஓகே ஆடியோ, அசத்தல் பேட்டரி... ஸேப்ரானிக்ஸ் ஸேப் சிம்பொனி ஹெட்போன் எப்படி? #VikatanGadgetReview

பட்ஜெட் விலையில் எலெக்ட்ரானிக் சாதனங்கள் தயாரிப்பதற்கென்றே சிறப்பு பெயர் எடுத்திருக்கும் நிறுவனம் ஸேப்ரானிக்ஸ். இந்த நிறுவனத்தின் 'ஸேப் சிம்பொனி ஹெட்போன் என்னும் புதிய வயர்லெஸ் நெக்பேண்ட் ஹெட்போன் சமீபத்தில் வெளியானது. 1000 ரூபாய்க்குள் கிடைக்கும் இந்த பட்ஜெட் ஹெட்போன் எப்படி இருக்கிறது?

வடிவமைப்பு

டிசைன், பார்க்க அழகாக இருக்கிறது. ஆனால், பில்ட் குவாலிட்டி மிகவும் சுமாராகவே இருக்கிறது. பிளாஸ்டிக் தரம் முதல் வயர்கள் தரம் வரை எதுவும் ஈர்க்கும்வண்ணம் இல்லை. இதனால், பார்த்தவுடன் நீண்டகாலம் தாக்குப்பிடிக்குமா என்ற கேள்வி எழுகிறது. ஆனால், பயன்படுத்தியவரை பிரச்னை எதுவுமில்லை. ஆனால், அது இப்படியே இருக்கும் என நம்பிக்கை அளிக்க முடியாது. மற்றபடி அணிந்துகொள்ள எளிதாகவும் காதுகளில் எந்த ஒரு அசௌகரியமும் இல்லாமல், சரியாக அமர்கிறது இந்த ஹெட்போன்ஸ். இந்த வகை ஹெட்போன்களில், தவறாமல் இடம்பெறும் மேக்னெட் வசதியும் இதில் இருக்கிறது.

ஆடியோ தரம்

புளூடூத் ஹெட்போன்களில் வயர்டு ஹெட்போன்கள் அளவுக்கு ஆடியோ தரமாக இருக்கும் என எதிர்பார்க்க முடியாது. அதுவும் இந்த பட்ஜெட்டில் நிச்சயம் எதிர்பார்க்க முடியாது. ஆனால், நினைத்ததைவிடவும் ஆடியோ தரம் நன்றாகவே இருக்கிறது. பேஸ் குறைவாக இருந்தாலும், மோசமான ஆடியோ அனுபவமாக இருக்காது. இதனால், தீவிர இசை விரும்பிகளுக்கு முழு திருப்தியைத் தராமல்போகலாம். போன் கால்களில், பேசுபவரின் ஆடியோ தெளிவாகக் கேட்கிறது. எதிர்முனையில் இருப்பவருக்கும் நாங்கள் பேசியது தெளிவாகக் கேட்டிருக்கிறது. அதிக சத்தமில்லாத இடம் என்றால் நிச்சயம் இதில் எந்த பிரச்னையும் வராது. மொத்தமாகப் பாடல்கள், ஸ்ட்ரீமிங், கேமிங் என அனைத்திற்கும் ஆடியோ தரம் ஓகேவாக இருக்கிறது. விலைக்கேற்ற தரம் என்று கூறலாம்.

வசதிகள்

இப்போது, அனைத்து ஹெட்போன்களிலும் கிடைக்கும் மூன்று பட்டன்கள் இதிலும் கொடுக்கப்பட்டிருக்கின்றன. இரண்டு வால்யூம் பட்டன்கள், ஒரு பாஸ்/ப்ளே பட்டன். மேலும், வாய்ஸ் அசிஸ்டன்ட் சப்போர்ட் இருப்பதால், ஐபோன்களில் சிரியுடனும், ஆண்ட்ராய்டு போன்களில் கூகுள் அசிஸ்டன்ட்டுடனும் நேரடியாக கனெக்ட் ஆக முடியும். டூயல் பேரிங் (Pairing) வசதி இருப்பதால், ஒரே நேரத்தில் இரண்டு சாதனங்களுடன் பேர் (pair) செய்துவைத்துக்கொள்ள முடியும். தேவைப்படும் சாதனத்துடன் உடனடியாக கனெக்ட் செய்துவிடலாம். மேலும், புளூடூத் 5.0-வுடன் வருவதால், ரேஞ்சும் அதிகமாக இருக்கும். வீட்டுக்குள் போன் எங்கிருந்தாலும் இவை கனெக்ட் ஆகிவிடும். ஸ்பிளாஷ்ப்ரூஃப் என்பதால் வியர்வை, மிதமான மழை போன்றவற்றை பற்றி கவலைப்படவேண்டியதில்லை.

பேட்டரி

இதைப் போன்ற வயர்லெஸ் ஹெட்போன்களில் மக்கள் அதிகம் எதிர்பார்ப்பது, நீடித்து இருக்கும் பேட்டரிதான். இந்த செக்-பாக்ஸை சரியாக டிக் அடிக்கிறது, ஸேப்ரானிக்ஸ். ஒரு சார்ஜில் 13 மணிநேரம் வரை தாக்குப்பிடிக்கும் எனக் கூறுகிறது ஸேப்ரானிக்ஸ். இதற்கு, 'கண்டிஷன்ஸ் அப்ளை' என்று சொன்னாலும், நிச்சயம் சுமார் 8 மணி நேரத்துக்கு மேல் தாக்குப்பிடிக்கும் இந்த ஹெட்போன். மேலும், மைக்ரோ-USB சார்ஜிங் என்பதால், பெரும்பாலான மொபைல் சார்ஜ்களுடனே இவற்றை சார்ஜ் செய்யமுடியும். 0%-லிருந்து முழுமையாக சார்ஜ் ஏற இரண்டரை மணிநேரம் ஆகிறது.

மொத்தமாக இதன் பிளஸ், மைனஸ் என்னவென்று பார்ப்போம்,

ப்ளஸ்

• அசத்தலான பேட்டரி

• பயனுள்ள வசதிகள்

• முதலுக்கு மோசமில்லாத ஆடியோ தரம்

மைனஸ்

• மோசமான பில்ட் குவாலிட்டி

இறுதிக் கருத்து