Election bannerElection banner
Published:Updated:

வாவே மீதான தடை நீக்கம்... G-20 மாநாட்டில் அதிரடி முடிவெடுத்த ட்ரம்ப்

ட்ரம்ப்
ட்ரம்ப் ( AP )

ட்ரம்ப்பின் முடிவால் அமெரிக்க நிறுவனங்களுடன் வாவே மீண்டும் வர்த்தகத்தைத் தொடங்கும்.....

சீனா - அமெரிக்கா இடையே நடந்து வந்த வர்த்தகப் போரில் அதிகம் பாதிக்கப்பட்டது வாவே நிறுவனம்தான். சீனாவைச் சேர்ந்த வாவே மொபைல் தயாரிப்பில் உலக அளவில் முன்னிலையில் இருந்து வருகிறது. இந்நிலையில் அமெரிக்க அதிபர் டொனால்ட் ட்ரம்ப் கடந்த மாதம் அமல்படுத்திய இந்தத் தடையால் அமெரிக்காவில் வாவேவின் வர்த்தகம் முழுவதுமாகத் தடைபட்டது.

வாவே
வாவே
AP

அது மட்டுமன்றி அமெரிக்க நிறுவனங்கள் வாவேவுடன் இணைந்து வர்த்தகம் செய்வதும் முடியாமல் போனது. காரணம் அமெரிக்கா வாவேவுக்கு மிகப் பெரிய சந்தையாக இருந்து வந்தது. மேலும் ஸ்மார்ட்போன்களில் பயன்படுத்தப்பட்டு வந்த ஆண்ட்ராய்டு கூகுளின் தயாரிப்பாக இருந்தது. மேலும் ஃபேஸ்புக் எனப் பல்வேறு நிறுவனங்களும் அமெரிக்காவைச் சேர்ந்தவையாகவே இருந்து வந்தன. இதனால் கடும் நெருக்கடியில் சிக்கித் தவித்தது வாவே.

தற்போது ஜப்பானின் ஒசாகா நடந்து வரும் G-20 நாடுகளின் உச்சி மாநாட்டில் இந்தச் சிக்கல் ஒரு வழியாக முடிவுக்கு வந்திருக்கிறது. " அமெரிக்க நிறுவனங்கள் அவர்களது உபகரணங்களை வாவேவுக்கு விற்பனை செய்து கொள்ளலாம்" என டொனால்டு ட்ரம்ப் தெரிவித்திருக்கிறார்.

சீன அதிபர் ஜி ஜின்பிங் மற்றும் ட்ரம்ப்
சீன அதிபர் ஜி ஜின்பிங் மற்றும் ட்ரம்ப்
AP

பேசும்போது உபகரணங்கள் என்ற அவர் வேறு எதையும் தெளிவாகக் குறிப்பிடவில்லை. சீன அதிபர் ஜி ஜின்பிங் மற்றும் ட்ரம்ப் இடையே நடைபெற்ற வர்த்தகம் தொடர்பான பேச்சுவார்த்தையில் இந்த முடிவு எடுக்கப்பட்டுள்ளது. அதன்படி இன்னும் சில நாள்களில் வாவே அமெரிக்க நிறுவனங்களுடன் வர்த்தகம் செய்யத் தொடங்கும் என எதிர்பார்க்கப்படுகிறது.

Election bannerElection banner
அடுத்த கட்டுரைக்கு