Published:Updated:

பிரேக்டவுனுக்கு வந்துடுச்சு மொபைல் ஆப்!

ஒட்டுமொத்த விகடனுக்கும் ஒரே ஷார்ட்கட்

Use App
பிரேக்டவுனுக்கு வந்துடுச்சு மொபைல் ஆப்!
பிரேக்டவுனுக்கு வந்துடுச்சு மொபைல் ஆப்!

அசோக் லேலாண்டு - லாரி சர்வீஸ்

பிரீமியம் ஸ்டோரி

வாகனம் வாங்கும்போது இருக்கும் உற்சாகம், சர்வீஸ் என்று வரும்போது சிலருக்குக் காணாமல் போகும். ‘சர்வீஸ் தேதி வேற முடிஞ்சிடுச்சு. சர்வீஸ் சென்டர் வரை கொண்டு போய் விடணும்’ என்று சோம்பேறித்தனப்பட்டே சிலர் வாகனங்களை ஓட்டிக்கொண்டே இருப்பார்கள். வீட்டிலேயே சர்வீஸ் தேடி வந்துவிட்டால்? காருக்கு இந்த சிஸ்டம் இருக்கிறது. பெரிய பெரிய லாரிகளுக்குத்தான் இல்லை.

பிரேக்டவுனுக்கு வந்துடுச்சு மொபைல் ஆப்!

உபர் ஈட்ஸ்/ஸ்விகி என்று சாப்பாடு வீடு தேடி வருவதற்கு மொபைல் ஆப்கள் இருப்பதுபோல், வாகன சர்வீஸுக்கும் ஆப் வந்துவிட்டது. அதுவும் லாரி/பஸ் போன்ற பெருவாகனங்களுக்கு என்றால், இதைவிட சந்தோஷம் என்ன வேண்டும்! அசோக் லேலாண்ட், தனது ட்ரக் வாடிக்கையாளர்களுக்கு ‘சர்வீஸ் மண்டி’ என்றொரு மொபைல் ஆப்பை உருவாக்கி இருக்கிறது.

இந்த ஆப்பில் உங்கள் வாகனப் பதிவு எண்ணை ரிஜிஸ்டர் செய்துவிட்டு, உங்கள் ஏரியாவை லொக்கேட் செய்துவிட்டால் போதும். உங்களுக்கு அருகில் உள்ள அசோக் லேலாண்ட் மெக்கானிக்குகள் உங்கள் கராஜுக்கோ, வீட்டுக்கோ வந்து உங்கள் வாகனத்தைப் பிரித்து மேய்ந்து சர்வீஸ் செய்து கொடுப்பார்கள்.

பிரேக்டவுனுக்கு வந்துடுச்சு மொபைல் ஆப்!

இதற்கான கட்டணத்தையும் மொபைல் ஆப்பிலேயே முடிவு செய்துவிடுகிறது ‘சர்வீஸ் மண்டி’. அதனால், ‘சர்வீஸ்ல ஏமாத்திடுவாங்களோ’ என்று லாரி உரிமையாளர்கள் மெக்கானிக்குகளைக் கண்டு பயப்படத் தேவையில்லை.
இதற்கு மெக்கானிக்குகளுக்குப் பயிற்சிகள் வழங்கி - ஸ்கேனிங் டூல்கள், ஃபேக்டரி விசிட், மெக்கானிக்கல் பயிற்சி என்று முறையான ட்ரெய்னிங் வசதிகளும் வழங்குகிறது அசோக் லேலாண்டு.

வேலூரில் உள்ள பெருமாள் என்பவர், அசோக் லேலாண்டின் அதிகாரிப்பூர்வ மெக்கானிக். ‘‘வேலூர்ல எனக்குனு லாரி/பஸ் கராஜ் இருக்குதுங்க. பார்ட் டைமாகத்தான் இந்தத் தொழில் பண்ணிக்கிட்டிருக்கேன். இதுக்காக எனக்கு ஸ்பெஷல் ட்ரெய்னிங்லாம் கொடுத்தாங்க. அசோக் லேலாண்ட் நிறுவனத்துக்குப் போய் லாரி எப்படித் தயாராகுதுன்னு காமிச்சாங்க. ஸ்கேனிங் டூல்ஸ் எல்லாமே இலவசமாவே தந்திருக்காங்க. இவ்வளவு ஏன் - நான் பயன்படுத்துற ஆண்ட்ராய்டு போனே அசோக் லேலாண்ட் கொடுத்ததுதான்! மொபைல்ல திடீர்னு மெசேஜ் வந்தா எடுத்துப் பார்ப்பேன். ஆயில் சர்வீஸ், ஸ்பேர் மாத்துறது மாதிரி சின்னச் சின்ன விஷயங்கள் பண்ணிட்டு வந்துடுவேன்’’ என்றார்.

பிரேக்டவுனுக்கு வந்துடுச்சு மொபைல் ஆப்!

சர்வீஸ் என்றில்லை; பிரேக்டவுன் போன்ற சமாச்சாரங்களின்போதும் இந்த ‘ஆப்’ பெரிய ஆபத்பாந்தவன். பூந்தமல்லியைச் சேர்ந்த பழனிக்குமார் 60 லாரிகள் கொண்ட டிராவல்ஸுக்கு மேலாளர். ‘‘முந்தியெல்லாம் பிரேக்டவுன்தான் பெரிய தொந்தரவா இருக்கும். எதுனா பெயர் தெரியாத கிராமங்கள்ல லாரி சிக்கிடுச்சுன்னா அவ்ளோதான். அந்த ஊரு போலீஸ், மெக்கானிக், லோக்கல் ஆளுங்கனு காசு மட்டும் இல்லை; நேரமும் வீணாகும். இப்போ பிரச்னையே இல்லை. மருந்து லோடு அடிச்சுட்டுப் போனப்போ, ஒரு தடவை விஜயவாடாவுல மிட்நைட்ல பிரேக்டவுன். உடனே அந்த ஊரு அசோக் லேலாண்ட் மெக்கானிக் வந்து, சரி பண்ணி, மறுநாள் காலைக்குள்ள ஸ்பேர் மாத்தி உடனே கிளம்பிட்டோம்!’’ என்றார்.

டிஜிட்டல் இந்தியாவுக்குள்ல லாரிகளும் வந்துடுச்சு!

- தமிழ்:

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு