Published:Updated:

பில்லும் செல்லும் பசங்க வசம்!

பில்லும் செல்லும் பசங்க வசம்!

பில்லும் செல்லும் பசங்க வசம்!

பில்லும் செல்லும் பசங்க வசம்!

Published:Updated:
செல்போன் விகடன்  
பில்லும் சொல்லும் பசங்க வசம்
பில்லும் செல்லும் பசங்க வசம்!

ஒட்டுமொத்த விகடனுக்கும் ஒரே ஷார்ட்கட்!

பில்லும் செல்லும் பசங்க வசம்!
 
கொஞ்சம் மொபைல் பிட்ஸ்...
பில்லும் செல்லும் பசங்க வசம்!
.

பில்லும் செல்லும் பசங்க வசம்!

உங்களுடையது 'செல்'லக் குரலா?

செல்போனில் அடிக்கடி கதைத்துக்கொண்டே இருப்பவர்-களுக்குக் குரல் மாற்றம் ஏற்பட்டு, பேச்சின் பாணியே மாறுவதாகச் சொல்கிறார்கள். ஆனால், இதற்குப் பழியைத் தூக்கி செல்போன்கள் மீது போடக் கூடாது. காதுக்கும் தோளுக்கும் நடுவில் செல்போனைப் புதைத்து, கழுத்தைச் சாய்த்துப் பேசும்போது, கழுத்து மற்றும் குரல்வளை தசையில் அதிக அழுத்தம் ஏற்படுகிறதாம். அதுதான் குரல் மாற்றத்துக்குக் காரணமாம். அதே போல காதோடு செல்போனை அதிக அழுத்தம் கொடுத்துப் பேசும்போது, உள்ளே செல்லும் ஒலி அலைகளின் அதிகபட்ச வீரியம் கேட்கும் திறனையும் கடுமையாகப் பாதிக்கின்றதாம். உஷார்!

மொபைல் நோய்கள்!

உலகெங்கும் மக்களிடையே சில குறிப்பிட்ட வகை நோய்களின் தாக்கம் அதிகரித்த வண்ணம் இருக்கிறது. கதிர் வீச்சினால் உண்டாகும் புற்று நோய், காது தொடர்பான பிரச்னைகள், நரம்பு மண்டலப் பாதிப்பு ஏற்படுத்தும் அல்சீமர் மற்றும் பார்க்கின்சன் என நீள்கிறது அந்தப் பட்டியல். உலகெங்கும் சுமார் 600 கோடி மக்கள் செல்போன்-களைப் பயன்படுத்துவதால், அவைதான் இந்த நோய்களுக்குக் காரணமாக இருக்குமா என்றொரு குபீர் கோணத்தில் ஆராயத் தொடங்கியிருக்கிறார்கள் ஆராய்ச்சியாளர்கள். உலகம் முழுக்க ஆங்காங்கே இதுபற்றி ஆய்வுகள் நடந்து வந்தாலும், ஆணித்தரமான முடிவுகள் எதுவும் இதுவரை அறிவிக்கப்-படவில்லை. இங்கிலாந்தைச் சேர்ந்த ஒரு நிறுவனம், இது தொடர்பான முழு ஆய்வைச் சமீபத்தில் தொடங்கியுள்ளது. '30 ஆண்டுகள் ஆராய்ச்சிக்குப் பிறகுதான் தீர்க்கமான முடிவுகள் கிடைக்கும். ஒவ்வொரு 10 ஆண்டுகளுக்கும் அப்போதைய ஆய்வு முடிவுகளை வெளியிடுவோம்' என்று தெரிவித்துள்ளனர். இதற்காக ஒதுக்கப்பட்டுள்ள தொகை 450 கோடி டாலர்கள். ஆய்வு முடிவுகள் வரும் வரை, 'எதற்கும் இருக்கட்டும்' என்று சில ஆலோசனைகளை வெளியிட்டு உள்ளார்கள்.

பில்லும் செல்லும் பசங்க வசம்!

சார்ஜ் குறைவாக உள்ள போன்கள் அதிக ரேடியே-ஷனை வெளியிடும் என்று அஞ்சப்படுவதால் அத்தகைய போனில் அதிக நேரம் பேச வேண்டாம். ஸ்பீக்கர் மற்றும் ஹெட் செட்டுகளை உபயோகப்படுத்தியே கூடுமானவரை பேசுங்கள். சார்ஜ் ஏறிக்கொண்டு இருக்கும் போனிலும் பேச வேண்டாம். இதயம் போன்ற உடலின் முக்கிய பாகங்களுக்கு அருகே இருக்குமாறு செல்போன்களை வைக்க வேண்டாம்... என அனுமார் வாலாக நீள்கின்றன ஆலோசனைகள். இனி, மொபைல்ல லொபலொபா லொபலொபான்னு பேசாதீங்க!

பீங்... பீங்... ஒன் மெசேஜ் ரிசீவ்டு!

எஸ்.எம்.எஸ்! அநேகமாக இன்று உலகில் அதிக தகவல் பரிமாற்றங்கள் எஸ்.எம்.எஸ்கள் மூலமாகத்தான் மேற்கொள்ளப்பட்டு வருகின்றன. கீ பேடுகள் கிழியக் கிழியப் பறக்கும் பல எஸ்.எம்.எஸ்கள், பல சமயங்களில் வில்லங்க வில்லன் அவதாரமும் எடுப்பது உண்டு. மலேசியாவைச் சேர்ந்த ஒருவர், 'இன்னும் ஒரு நாள்ல நீ வீட்டுக்கு வரலைன்னா, நான் விவகாரத்துக்கு விண்ணப்-பித்துவிடுவேன்!' என்று தன் மனைவிக்கு எஸ்.எம்.எஸ். அனுப்பினார். மனைவியிடம் இருந்து எந்தப் பதிலும் வராததால், விவாகரத்து விண்ணப்பத்-தையும் எஸ்.எம்.எஸ்ஸிலேயே அனுப்பினார். வழக்கு விசாரணையின்போது, 'அது சும்மா எஸ்.எம்.எஸ்-தானே என்று அசால்ட்டா இருந்-துட்டேன்!' என்று மனைவி சமாளிக்கப் பார்க்க, 'புரியும்படி இருந்தால் எஸ்.எம்.எஸ்ஸில் விவா-கரத்து விண்ணப்பம் அனுப்புவது செல்லும்!' என்று கணவனுக்குச் சாதகமாகத் தீர்ப்பு அளித்தது நீதிமன்றம். வளைகுடா நாடுகளில் பணவீக்க நெருக்கடி காலகட்டத்தில் அங்கு வேலை பார்த்த இந்தியர்கள் உட்பட்ட பிற நாட்டவர்களுக்கு 'சீட்டு கிழிக்கப்பட்ட' விஷயத்தை நிறுவனங்கள் எஸ்.எம்.எஸ். மூலமாகவே அனுப்பின. இன்றைய தேதிக்கு கைரேகை, ஆயுதங்கள் என எந்தத் தடயங்களும் இல்லாமல் எஸ்.எம்.எஸ்கள் மூலமே ஒரு குற்றத்துடன் தொடர்புடைய மாஸ்டர் மைண்ட் முதல் அடிமட்ட அடி-யாள் வரை அனைவர் கையிலும் விலங்கு மாட்டிவிடு-கிறார்கள். ஒவ்வொரு எஸ்.எம்.எஸ்ஸூம் ஏதோ ஒன்றுக்கு ஆதாரம்தான்!

'செல்'லமே செல்லம்!

பில்லும் செல்லும் பசங்க வசம்!

'காதலைச் சொல்லும் வழி தங்கம்' என்பதெல்லாம் இன்று பழங்கதை. இன்றைய பெண்களிடம் காதல் சொல்ல செல்போன்தான் சரியான சாய்ஸ் என்கிறது ஆஸ்திரேலியா-வில் நடத்தப்பட்ட சமீப ஆய்வு. 'மிக சோகமான தருணம் எது... பாய் ஃப்ரெண்ட் யெஸ் ஆவதா? செல்போன் மிஸ் ஆவதா?' என்ற கேள்விக்கு, பெரும்பாலான பெண்கள் யோசிக்கவே யோசிக்-காமல் டிக் அடித்தது 'செல்போன் மிஸ் ஆகும்' ஆப்ஷனைத்தான்! தவிரவும், 'உலகத்திலேயே உங்களுக்கு மிகவும் பிடித்தவற்றை வரிசைப்படுத்-துங்கள்' - என்ற கேள்விக்கு... அம்மா, புகைப்-படங்கள் என்ற வரிசையில் மூன்றாவது இடம் செல்போனுக்கு. ஐந்தாவது இடம்தான் காதலர்-களுக்காம்! பெரும்பாலான பெண்கள் காதலர்-களிடம் இருந்து எதிர்பார்க்கும் பரிசும் செல்போன்கள்தானாம். பில்லும் பசங்கதான் கொடுக்கணும்... செல்லும் பசங்கதான் கொடுக்கணுமா?

 

-இரா.மன்னர் மன்னன்
பில்லும் செல்லும் பசங்க வசம்!
பில்லும் செல்லும் பசங்க வசம்!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism