Published:Updated:

நோக்கியாவை நோக்கினால்...

நோக்கியாவை நோக்கினால்...

நோக்கியாவை நோக்கினால்...

நோக்கியாவை நோக்கினால்...

Published:Updated:
செல்போன் விகடன்  
நோக்கியாவை நோக்கினால்...
நோக்கியாவை நோக்கினால்...

ஒட்டுமொத்த விகடனுக்கும் ஒரே ஷார்ட்கட்!

நோக்கியாவை நோக்கினால்...
 
.பி.ஆரோக்கியவேல்
நோக்கியாவை நோக்கினால்...
.
நோக்கியாவை நோக்கினால்...

'கண்ணும் கண்ணும் நோக்கியா' என்று பாட்டுப் பாடி ஆட்டம் போட்ட தமிழகம்தான், இந்திய அளவில் செல்போன்கள் உற்பத்தியில் முன்னணி இடம் வகிக்கிறது. சென்னையை அடுத்திருக்கும் ஸ்ரீபெரும்புதூரில் நோக்கியா, சீமன்ஸ், சாம்ஸங், ஃப்ளெக்ஸ்ட்ரானிக்ஸ் என சிறிசும் பெரிசுமாக ஏகப்பட்ட மொபைல் போன் மற்றும் மொபைல் போன் உதிரி பாகங்கள் தயாரிக்கும் தொழிற்சாலைகள் பரவிக்கிடக்கின்றன. ஒரு செல்போன் எப்படி உருவாகிறது? சுமார் 200 ஏக்கர்களுக்குப் பரந்து விரிந்து கிடக்கும் நோக்கியா தொழிற்சாலைக்குள் தலை காட்டினால், 'சென்ட்ரலைஸ்டு ஏர்கண்டிஷன் செய்யப்பட்ட நியூயார்க் மெட்ரோ ரயில் ஸ்டேஷனுக்குள்' அடியெடுத்து வைத்த உணர்வு!

தொழிற்சாலைக்குள் டாக்டர் போல வெள்ளை கோட் மற்றும் கை-களுக்கு க்ளவுஸ் மாட்டிக்கொண்டு பெண்கள் வரிசையாக நிற்கிறார்கள். செல்போன் போர்டில் முதலில் இருப்பவர் ஒரு சில உதிரி பாகங்களை இணைத்து அடுத்து நிற்பவரிடம் கொடுக்க, அவர்கள் அதில் மேலும் சில சங்கதிகளை இணைக்கிறார்கள். இப்படியே ரிலே ரேஸ் போல பல கைமாறி வளர்ச்சி அடைந்து, கடைசிக் கட்டத்தில் அழகான செல்போனாக உருமாறுகிறது. செல்போன் என்பது மிக மிக நுட்பமான பொருள். அதன் எலெக்ட்ரானிக் சர்க்யூட்டு-களில் சின்ன தூசி புகுந்து-விட்டால்கூட அது செல்போனின் செயல்பாட்டையே முடக்கி-விடும் என்ப-தால், ஒரு முடி கூட தொழிற்-சாலைக்குள் உதிர்ந்துவிடாத அளவுக்கு கண்டிப்புக் காட்டுவார்கள்.

நோக்கியாவை நோக்கினால்...

''ஒரு நாளைக்கு எத்தனை போன் தயாரிப்பீர்கள்?'' என்ற கேள்விக்கு நோக்கியா தொழிற்சாலையின் கேப்டன் சச்சின் செக்சேனா, ''தேவையைப் பொறுத்துதான் உற்பத்தி இருக்கும். கடந்த நான்கு ஆண்டுகளில் 35 கோடி மொபல் போன்களை இங்கு உற்பத்தி செய்திருக்கிறோம். ஒரு நாளைக்கு எத்-தனை போன் என்று கணக்கிட்டுக் கொள்ளுங்கள்!''- பதில் அளிக்கிறார்.

தொடர்ந்து, ''இந்தியாவில் செய்த போனாக இருந்தாலும், நோக்கியாவின் தாய்வீடான பின்லாந்தில் தயாரான போனாக இருந்தாலும், தரத்தில் ஒரு நூலிழை வித்தியாசம்கூட இருக்காது!'' என்றார்.

நோக்கியா தொழிற்சாலையில் உலகத் தரத்துடன் அலைபேசிகளைத் தயார் செய்வது காஞ்சிபுரம், போரூர், பூந்தமல்லி, அம்பத்தூர் என்று சுற்று வட்டாரத்தில் இருக்கும் விடலைப் பையன்களும் திருமணப் பருவத்தை எட்டாத இளம்பெண்களும்தான். நோக்கியா தொழிற்சாலையில் பெண்களுக்கு 33 சதவிகித இட ஒதுக்கீடு என்ற கோரிக்கை அர்த்தம் இல்லாதது. காரணம், அங்கே பணிபுரியும், 8,000 பேரில் கிட்டத்தட்ட 70 சதவிகிதம் பேர் பெண்கள்.

டீன்-ஏஜ் பெண்கள் என்றால் சளைக்காமல் செல்போன் பேசுவார்கள் என்ற எண்ணம் கொண்ட-வர்களே... சலிக்காமல் அந்த செல்போன்களைத் தயாரிப்பதிலும் பெண்கள்தான் டாப்!

 

 

-படங்கள்: உசேன்
நோக்கியாவை நோக்கினால்...
நோக்கியாவை நோக்கினால்...
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism