Published:Updated:

`கொரோனா பெயரில் ஹேக்கிங்!’ - தடுக்கக் கைகோக்கும் சைபர் பாதுகாப்பு நிபுணர்கள்

cyber crime
cyber crime

இந்தக் குழுவின் முக்கிய நோக்கமே சுகாதார நிறுவனங்களுக்கு எதிராக நடைபெறும் ஹேக்கிங்குகளைத் தடுப்பது மற்றும் சுகாதார நடவடிக்கைகளை இணையத்தின் வழி அச்சுறுத்துபவர்களைத் தடுப்பது தான்.

கொரோனா பரவத் தொடங்கியதில் இருந்தே உலக மக்களின் கவனம் முழுவதும் அதன் மேல்தான் இருக்கிறது. இந்த இக்கட்டான நிலையைப் பயன்படுத்தி இணையத்தின் மூலம் பணம் பறிக்கும் வேலையும் அதிக அளவிலான ஹேக்கிங் சம்பவங்களும் அரங்கேறிக்கொண்டிருக்கிறது. இந்த நேரத்தில் ஹேக்கிங் சம்பவங்களைத் தடுப்பதற்காக உலகளவில் 400-க்கும் மேற்பட்ட தன்னார்வலர்கள் இணைந்துள்ளனர். இந்தத் தன்னார்வலர்கள் குழுவில் இருப்பவர்கள், சைபர் பாதுகாப்புத் துறையில் நிபுணர்களாக இருப்பவர்கள். மேலும், கூகுள், மைக்ரோசாஃப்ட் போன்ற நிறுவனங்களில் உயர்பதவிகளில் இருப்பவர்களும் இந்தத் தன்னார்வலர்கள் குழுவில் இடம்பெற்றுள்ளனர். இந்தக் குழவை COVID-19 CTI League என அடையாளப் படுத்துகின்றனர் குழுவினர்.

ஹேக்கிங்
ஹேக்கிங்
`வாழு, வாழ விடு' அன்றே சொன்ன அஜித்தும் ஒரு இலுமினாட்டியா?! - `கொரோனா' கலாய்பீடியா

இந்தக் குழுவை உருவாக்குவதில் முக்கிய பங்காற்றிய நபர்களுள் ஒருவரான ஒக்டா (Okta) என்ற சைபர் பாதுகாப்பு நிறுவனத்தின் துணைத் தலைவரான மார்க் ரோஜர்ஸ் (Marc Rogers) கூறுகையில், "இந்த அளவிலான ஏமாற்று வேலைகள் இதுவரை நடைபெற்றது இல்லை. அனைத்து மொழிகளிலும் இந்த சந்தர்ப்பத்தைப் பயன்படுத்தி ஏமாற்றும் வேலைகளில் ஈடுபட்டு வருகின்றனர்."

hack
hack
piqsels.com

இந்தக் குழுவின் முக்கிய நோக்கமே சுகாதார நிறுவனங்களுக்கு எதிராக நடைபெறும் இணையத் தாக்குதல்களைத் தடுப்பது மற்றும் சுகாதார நடவடிக்கைகளை இணையத்தின் வழி அச்சுறுத்துபவர்களைத் தடுப்பதுதான். மேலும், தற்போது உலகில் பெரும்பாலானோர் வீட்டில் இருந்தபடியேதான் வேலை பார்த்துக் கொண்டிருக்கிறார்கள். இந்த நேரத்தில் இணையவழி தகவல் தொடர்பை ஹேக்கர்கள் தாக்கவும் வாய்ப்பு இருக்கிறது. எனவே, அதற்கான பாதுகாப்பையும் வழங்கும் முயற்சியில் உள்ளோம் எனவும் அவர் தெரிவித்தார்.

அடுத்த கட்டுரைக்கு