Published:Updated:

கொரோனா: `COVID-19 பெயரில் சைபர் தாக்குதல்!’- மத்திய அரசின் அலர்ட்

சைபர் மோசடி குறித்து அரசு விடுத்திருக்கும் அலர்ட்!
சைபர் மோசடி குறித்து அரசு விடுத்திருக்கும் அலர்ட்!

இதில் வரும் லிங்க்கை கிளிக் செய்தால் அது உங்களை ஒரு போலி இணையதளத்திற்குக் கொண்டு செல்லும். அதில் வைரஸ்கள் உங்கள் சிஸ்டமில் பதிவிறக்கப்படலாம் அல்லது உங்களது தனிப்பட்ட தகவல்கள் திருடப்படலாம்.

கொரோனாவால் உலகமே முடங்கிக் கிடக்கும் இந்த நேரத்தில் சைபர் மோசடிக் கும்பல்கள் செம துடிப்புடன் இயங்கிவருகின்றன. எப்போதையும்விட இப்போதுதான் நாம் அதிகம் இணையத்தைப் பயன்படுத்துகிறோம் என்பதால் இதுவே சரியான நேரம் எனக் கொக்கைப் போன்று காத்திருக்கின்றனர். போலி இணையதளங்கள், மோசடி அழைப்புகள், எஸ்.எம்.எஸ் எனப் பல வழிகளில் இந்த சைபர் மோசடிகள் நடக்கின்றன. இப்போது மக்கள் பலரும் வொர்க் ஃப்ரம் ஹோம்

CERT-In அறிக்கை
CERT-In அறிக்கை

இது குறித்த முக்கிய அறிவிப்பு ஒன்று அரசு தரப்பில் வெளியிடப்பட்டிருக்கிறது. தகவல் தொழில்நுட்ப அமைச்சகத்துக்குக் கீழ் செயல்படும் சைபர் பாதுகாப்பு அமைப்பான Indian Computer Emergency Response Team (CERT-In) வெளியிட்டிருக்கும் அறிக்கையில், `இந்தியாவில் பெருமளவில் சைபர் மோசடிகளை மேற்கொள்ள ஒரு கும்பல் திட்டமிட்டிருக்கிறது. அனைவரும் எச்சரிக்கையாக இருக்க வேண்டும்' என அறிவுறுத்தப்பட்டுள்ளது.

``இந்த மோசடி என்பது போலி இ-மெயில்கள் மூலம் நடக்கும். கொரோனா தடுப்புப் பணிகளில் ஈடுபட்டிருக்கும் உள்ளூர் அமைப்புகள் COVID -19 தடுப்புக்காக உதவி கேட்பது போல இந்த மெயில்கள் அனுப்பப்படலாம். இதில் வரும் லிங்க்கை கிளிக் செய்தால் அது உங்களை ஒரு போலி இணையதளத்திற்குக் கொண்டு செல்லும். அதில் வைரஸ்கள் உங்கள் சிஸ்டமில் பதிவிறக்கப்படலாம் அல்லது உங்களது தனிப்பட்ட தகவல்கள் திருடப்படலாம்.

கொரோனா வைரஸ்
கொரோனா வைரஸ்

இந்தக் கும்பல் சுமார் 20 லட்சம் இந்திய மக்களின் இ-மெயில் ஐடி-க்களைத் திரட்டிவைத்திருக்கிறது. ``Free COVID-19 tests for all residents of Delhi, Mumbai, Hyderabad, Chennai and Ahmedabad" போன்ற தலைப்புகளுடன் இந்த மெயில்கள் வரும். எக்காரணத்திற்காகவும் அதில் இருக்கும் லிங்க்களை கிளிக் செய்துவிட வேண்டாம், தனிப்பட்ட தகவல்களைக் கொடுத்துவிட வேண்டாம். ncov2019@gov.in போன்று பார்க்க அதிகாரப்பூர்வமாக இருக்கும் மெயில் ஐடிகளே இந்த மோசடிகளுக்குப் பயன்படுத்தப்படும். இதுபோன்ற சைபர் தாக்குதல்களை இன்று (ஜூன் 21) முதல் எதிர்பார்க்கலாம்." என்கிறது அந்த அறிக்கை.

இது போன்ற மோசடி மெயில்கள் வந்தால் உடனடியாக incident@cert-in.org.in என்ற மெயிலுக்கு ரிப்போர்ட் செய்யும்படியும் அறிவுறுத்தப்பட்டுள்ளது.

இது போன்ற மோசடிகளில் சிக்காமல் இருக்க என்ன செய்யவேண்டும் என்ற நடைமுறைகள் பற்றி விரிவாக ஏற்கெனவே ஒரு கட்டுரையில் பதிவுசெய்திருந்தோம். அதைக் கீழ்க்காணும் லிங்க்கில் படிக்கலாம்.

கொரோனாவின் பெயரில் வைக்கப்படும் சைபர் பொறிகள்... சிக்காமல் இருப்பது எப்படி?
அடுத்த கட்டுரைக்கு