Published:Updated:

`ஆப்பிள் ஸ்மார்ட்போனில் இருந்த கோளாறு..!' - கண்டுபிடித்து சன்மானம் வென்ற இந்தியர்

ஆப்பிள்
ஆப்பிள்

'ஆப்பிள் கணக்கு மூலம் லாகின் செய்தால் உங்களது முக்கியத் தகவல்கள் பாதுகாப்பாக இருக்கும்' என்றது ஆப்பிள். ஆனால்,

ஆப்பிள் நிறுவன `Sign in with Apple' அம்சத்தில் உள்ள பிழையைச் சுட்டிக்காட்டி சரிப்படுத்திய இந்தியாவைச் சேர்ந்த பவுக் ஜெயின் என்பவருக்கு 1 லட்சம் டாலர்களை சன்மானமாக வழங்கியிருக்கிறது, ஆப்பிள் நிறுவனம்.

ஆண்ட்ராய்டு ஸ்மார்ட்போனுக்கும் ஆப்பிள் ஸ்மார்ட்போனுக்கும் உள்ள பெரிய வித்தியாசமாகப் பார்க்கப்படுவது ஆப்பிள் கொடுக்கும் தகவல் பாதுகாப்புதான். வாடிக்கையாளர்களுக்கு தகவல் பாதுகாப்பு (Data Security) விஷயங்களில் ஆப்பிள் எப்போதுமே கவனமாக இருக்கும். அப்படியும் சில கோளாறுகள் அல்லது ஓட்டைகள் இருக்கலாம். அதனால், அதைக் கண்டறிந்து சரிசெய்துகொள்வதும் மிகவும் முக்கியம்.

அதற்காகத்தான் பக் பவுன்டி (bug bounty) என்ற போட்டி வைத்து முக்கியப் பிரச்னைகளை சுட்டிக்காட்டுபவர்களுக்கு சன்மானம் அளிக்கும் ஆப்பிள். இது, கிட்டத்தட்ட அனைத்து டெக் நிறுவனங்களுமே பின்பற்றும் நடைமுறைதான்.

tim Cook Apple
tim Cook Apple
Apple.com

சமீபத்தில்தான் 'Sign in with Apple' என்ற அம்சத்தை அறிமுகம் செய்தது ஆப்பிள். புதிய ஆப்களில் கணக்கு தொடங்குவதற்கு 'Sign in with Google' போல ஆப்பிள் பயனாளர்கள் 'Sign in with Apple' ஆப்ஷனைப் பயன்படுத்தலாம். இப்படி, ஆப்பிள் கணக்கு மூலம் லாகின் செய்தால், உங்களது முக்கியத் தகவல்கள் பாதுகாப்பாக இருக்கும் என்றது ஆப்பிள்.

ஒன்ப்ளஸ், ஆப்பிள் கில்லாவில் களமிறங்கும் ஷாவ்மி... Mi 10 திட்டம் கைகொடுக்குமா?

ஆனால், மூன்றாம் தரப்பு ஆப்களிடம் (3rd party apps) சரியான பாதுகாப்பு நடைமுறைகள் இல்லையென்றால், ஹேக்கர்களால் சுலபமாக நமது ஆப்பிள் கணக்கினுள் நுழைந்து, நமது விவரங்களைத் திருட வாய்ப்பு இருந்திருக்கிறது. இதை, கடந்த ஏப்ரல் மாதம் சுட்டிக்காட்டியிருந்தார், இந்தியாவைச் சேர்ந்த டெவலப்பர் பவுக் ஜெயின். இதை சரிப்படுத்திக்கொண்ட ஆப்பிள் நிறுவனம், அவருக்கு 1 லட்சம் டாலர்களை (இந்திய மதிப்பில் சுமார் 75 லட்சம் ரூபாய்) சன்மானமாக வழங்கியிருக்கிறது.

`இதனால் யாருடைய கணக்கும் பாதிக்கப்படவில்லை; எந்த ஒரு தனி நபர் தகவலும் வெளியே கசியவில்லை' என்றும் ஆப்பிள் நிறுவனம் விளக்கம் அளித்துள்ளது.

அடுத்த கட்டுரைக்கு