Published:Updated:

2019-ல் அதிகம் பயன்படுத்தப்பட்ட மோசமான பாஸ்வேர்டுகளின் பட்டியல்!

Password
Password ( mtxit.com )

உலகம் முழுவதும் மிகவும் பொதுவாகப் பயன்படுத்தப்பட்ட கடவுச்சொற்களின் பட்டியலை வெளியிட்டுள்ளது Splash Data நிறுவனம்.

இந்த வருடம் உலகம் முழுவதும் அதிகம் பயன்படுத்தப்பட்ட, எளிதாக கணிக்கக்கூடிய பொதுவான பாஸ்வேர்டுகளின் பட்டியலை வெளியிட்டுள்ளது Splash Data நிறுவனம். வருடா வருடம் இப்படியான மிகவும் பொதுவான, மற்றவர்கள் சுலபமாகக் கணிக்கக்கூடிய வகையில் உள்ள பாஸ்வேர்டுகளின் பட்டியலை இந்நிறுவனம் வெளியிடுவது வழக்கம். சென்ற ஆண்டுப் பட்டியலுக்கும் இந்த ஆண்டுப் பட்டியலுக்கும் பெரிய வித்தியாசமில்லை.

password
password
pixabay

இந்தப் பட்டியலின்படி முதல் பத்து இடங்களைப் பிடித்த கடவுச்சொற்கள்.

  1. 123456

  2. 123456789

  3. qwerty

  4. password

  5. 1234567

  6. 12345678

  7. 12345

  8. iloveyou

  9. 111111

  10. 123123

சென்ற ஆண்டு இரண்டாம் இடம் பிடித்திருந்த `password' இந்த ஆண்டு நான்காம் இடத்துக்குத் தள்ளப்பட்டுள்ளது. வருடா வருடம் வெளிவரும் இந்தப் பட்டியலில் பெரிதாக மாற்றம் வருவதேயில்லை. `அதெல்லாம் எதுக்கு மாத்திட்டு' எனச் சிலர் கேட்கலாம், ஆனால், இது மிகவும் ஆபத்தான டிரெண்ட். பாஸ்வேர்டுகள் என்பது நம்முடைய தகவல்கள் பிறருடைய கைகளுக்குச் செல்லாமல் இருப்பதற்காக நாம் அமைக்கக்கூடிய பாதுகாப்பு வளையம்.

password
password
wikimedia commons

சாதாரண தகவல்தானே என நாம் அலட்சியமாக இருக்கக் கூடாது. தேர்தலின் முடிவுகளை மாற்றும் அளவுக்குத் தகவல்களுக்கு வலிமை உண்டு.

ஏதாவது ஒரு கணக்குக்கு பாஸ்வேர்டு தேர்ந்தெடுக்கும்போது எண்கள், எழுத்துகள், சிறப்புக் குறியீடுகள் என அனைத்தும் கலந்த கலவையாகத் தேர்ந்தெடுங்கள். இதைக் கணிப்பது நடக்காத காரியம். உதாரணமாக `k&e24@62' போன்ற பாஸ்வேர்டுகளை செட் செய்யுங்கள். இன்று நாம் பல கணக்குகள் வைப்பதால் இதை நினைவில் வைப்பது கடினம்தான். அதனால் இதற்கென இருக்கும் பிரத்யேக சேவைகளான lastpass, 1password போன்ற சேவைகளைப் பயன்படுத்துங்கள்.

பாஸ்வேர்டுகள் நம் தகவல்களின் பாதுகாப்பு அரண். அதை கவனமாகத் தேர்ந்தெடுங்கள்.

அடுத்த கட்டுரைக்கு