Published:Updated:

கொரோனா பெயரில் கணினி வைரஸ்கள்! - பயனர்களே உஷார் #Alert

hack
hack ( piqsels.com )

கொரோனா பற்றிய பயத்தைப் பயன்படுத்தி ஹேக்கர்கள் எளிதில் மால்வேர்களைப் பரப்பி வருகின்றனர். உங்களுக்கும் அது போன்ற இ-மெயில்கள் வந்தால் திறக்க வேண்டாம் என எச்சரித்துள்ளனர்.

கொரோனா வைரஸ் பாதிப்பு உச்சத்தைத் தொட்டிருக்கும் இந்த நேரத்தில், கொரோனா வைரஸ் தாக்காமல் பாதுகாப்பது எப்படி என்ற பெயரில் பல கணினி வைரஸ்கள் புதிதாக முளைத்திருக்கின்றன. மருத்துவ ஆலோசனைகள் அல்லது பாதுகாப்பாக இருப்பது என்ற பெயரில் இ-மெயில்கள் வந்தால் அவற்றைத் திறக்க வேண்டாம். அவற்றின் மூலம் கணினி வைரஸ்களைப் பரப்பி வருகின்றனர் ஹேக்கர்கள்.

கொரோனா
கொரோனா

IBM நிறுவனத்தைச் சேர்ந்த வல்லுநர்கள் இதுபோன்ற மால்வேர்கள் பரவுவதைக் கண்டறிந்துள்ளனர். அவர்கள் கண்டறிந்த குறிப்பிட்ட மால்வேரானது நமது பிரவுசிங் வரலாறு, நமது கணக்குகளின் பயனர் பெயர்கள் மற்றும் பாஸ்வேர்டுகள் ஆகியவற்றைத் தொகுத்து ஹேக்கர்களுக்கு அனுப்பும் தன்மை கொண்டது. இவை மட்டுமல்லாது பிரபல ஆன்டி வைரஸ் நிறுவனமான கேஸ்பர்ஸ்கையும் (Kaspersky) கொரோனா வைரஸின் பெயரில் பரப்பப்படும் பல மால்வேர்களைக் கண்டறிந்துள்ளது.

'மரணத்தின் விளிம்பில் இருந்து திரும்பியுள்ளேன்!’ - கொரோனா வைரஸ் தாக்கத்திலிருந்து குணமடைந்த தம்பதி

இவை மால்வேர்கள் pdf, mp4 மற்றும் Document ஃபைல்களில் மறைத்து நம் கணினிக்கு அனுப்பப்படுகின்றன. இவை அனைத்திலும் கொரோனா வைரஸ் பற்றிய தகவல்களே இடம்பெற்றிருக்கின்றன. நமது கணினியில் உள்ள கோப்புகளை மாற்றவும், அழிக்கவும் மற்றும் நகல் எடுக்கவும் இந்த மால்வேர்களால் முடியும் எனத் தெரிவித்துள்ளது கேஸ்பர்ஸ்கை நிறுவனம்.

Hack
Hack

கொரோனா வைரஸ் பற்றிய பயம் மக்களுக்கு அதிகமாக இருப்பதால் கொரோனா பற்றிய செய்திகளைப் பற்றி ஆர்வமாகப் படிக்கின்றனர். இதைப் பயன்படுத்தி ஹேக்கர்கள் எளிதில் மால்வேர்களைப் பரப்பி வருகின்றனர். உங்களுக்கும் அதுபோன்ற இ-மெயில்கள் வந்தால் திறக்க வேண்டாம் என எச்சரித்துள்ளனர்.

கவனம் அவசியம்!

பின் செல்ல