‘ஆசீரின் நாயும் காஷ்மீர் குருவிகளின் பாடலும்’ - ஆதிரன் | Atiran Short Stories - Vikatan Thadam | விகடன் தடம்

‘ஆசீரின் நாயும் காஷ்மீர் குருவிகளின் பாடலும்’ - ஆதிரன்

ஓவியங்கள் : பிரேம் டாவின்ஸி

கண்விழித்தபோது, ஜேக்கப் ஒருவாறாக டாலியைக் கொல்வதற்கான மனநிலையை அடைந்துவிட்டிருந்தார். கடும் பனி. அறுபது வருடங்களாக இந்தப் பனியை அவர் உடல் அறிந்திருந்தது. எதிர்வரும் கோடையின் துவக்கம் லேசான எரிச்சலை அவரிடத்தில் தோற்றுவித்திருந்தது. சுற்றுலா என்ற பெயரில், மனித இரைச்சல் மிகுந்த கோடையை அவர் வெறுத்தார். காட்டின் பாடல் மனிதனின் அமைதியில் இருக்கிறது என்பது அவரது நம்பிக்கை.

‘ஸ்தோத்திரம் காலையே…’ என்று மெல்லிய குரலில் சொல்லியவாறு கம்பளியை விலக்கி எழுந்தார். டாலியின் அசைவு தென்படவில்லை. பறவைகளின் குரல்கள் கூரையில் சாரலாய் விழுந்துகொண்டிருந்தன. அவற்றில் ஒரு குரல் மட்டும் அவரிடம் புன்னகையை வரவழைத்தது. கோடையின் பெரும் மகிழ்ச்சி அது மட்டும்தான். காஷ்மீர் குருவிகள். கைலாயத்தில் இருந்து கொடைக்கானலுக்குக் கோடையில் வரும். சாம்பலும் வெள்ளையுமாய் வாலை மேலும் கீழும் ஆட்டிக்கொண்டு, பெரும்பாலும் தரைகளில் நடந்துகொண்டிருக்கும். அதற்கு, `கிரேட் ஹிமாலயன் டெய்ல்’ என்று பெயர். ஆனால், ஜேக்கப்புக்கு அது காஷ்மீர் குருவி.

Do you like the story?

Please Appreciate the Author by clapping!

Editor’s Pick