குற்றமும் தண்டனையும் - சு.வெங்கடேசன் | Story of Stories - Su Venkatesan - Vikatan Thadam | விகடன் தடம்

குற்றமும் தண்டனையும் - சு.வெங்கடேசன்

இத்தொடரின் மற்ற பாகங்கள்:
ஓவியங்கள் : ஜி.ராமமூர்த்தி

து குற்றம்? அதற்கு என்ன தண்டனை? என்பதை எல்லாக் காலத்திலும் அதிகாரமே தீர்மானிக்கிறது. அதிகாரத்தின் அளவுகோல் காலத்துக்குக் காலம் மாறுபட்டது ஆனால், நோக்கம் எப்போதும் மாறுபடாதது. 

அதிகாரத்தைப் போன்றதொரு குற்றச்செயல் வேறில்லை. ஆனால், குற்றம் அதிகாரத்தில் இருப்பதால் அது தன்னைக் காத்துக்கொண்டு தனக்கு எதிரானவற்றை குற்றம் என முத்திரை குத்துகிறது. குற்றமும் தண்டனையும் ஒட்டிப்பிறந்த இரட்டைச் சொற்கள்கூட அல்ல. உடைந்திருக்கிற ஒற்றைச் சொல்.

குற்றமும் தண்டனையும் எப்படியெல்லாம் உருமாறிவந்தது என்பதன் வரலாறு மிக நீண்டது. ‘குற்றம் கடிதல்’ என்று புதியதொரு சொல்லை, தமிழுக்குச் சொன்ன வள்ளுவனில் தொடங்கி, ‘நடந்தது எதுவும் குற்றமில்லை’ என்று தீர்ப்பு சொன்ன குமாரசாமியின் காலம் வரை. குற்றத்துக்கு அப்பாலாக குற்றவியல் சட்டம் இருப்பதால், சட்டத்துக்குள் இருப்பவன் குற்றமற்றவனாகவே இருக்கிறான். எனவே, ஒருவன் குற்றவாளியா, இல்லையா என்பது செய்கிற செயலைப் பொறுத்ததில்லை, இருக்கிற இடத்தைப் பொறுத்ததே.

Do you like the story?

Please Appreciate the Author by clapping!

Editor’s Pick