எழுத்துக்கு அப்பால்! - வெ.நீலகண்டன்

இத்தொடரின் மற்ற பாகங்கள்:
இங்கேயும்... இப்போதும்...

தேன்மொழி

“மழையின் நீர்க்கால்களைத் தேடும் பயணம்தான், படைப்பாளியின் பயணம். படைப்பாளி, ஒரு சொல் வலை வேட்டுவன். அப்படியொரு ஆழத் தேடல் உள்ளவளே நானும். கவிதை, கதை, கட்டுரை, மொழிபெயர்ப்பு, கலை வரலாறு என எந்தப் படகில் பயணித்தாலும், ஆழிப் பேரலையில் சமூகம் கலந்துவிட்ட ஒரு துளித் துயரக் கண்ணீரைத் தேடியதாகவே இருக்கிறது என் பயணம். பெரும்பாலான நேரத்தில் அந்தக் கண்ணீர் பெண்ணினுடையது, குழந்தையினுடையது, துயருற்றோருடையது. அண்மைக் காலமாக என் படைப்புகளை குழந்தைகள் ஆக்கிரமித்துக்கொள்கின்றனர். குழந்தைகளை இந்தச் சமூகம் எதிர்கொள்ளும் விதம் என் உணர்வைக் குலைக்கிறது. குழந்தைகளின் உலகத்தைப் பாதுகாப்பதையும் குழந்தைகளுக்குப் பாதுகாப்பான உலகத்தை அளிப்பதையும் தனது இலக்காக்கி முளைக்கின்றன என் படைப்புகள்.”

திருவாரூரைச் சேர்ந்த தேன்மொழி, `துறவி நண்டு’, `தினைப்புனம்’ கவிதை நூல்களையும், `நெற்குஞ்சம்’, `கூனல் பிறை’ சிறுகதை நூல்களையும், `புலப்படா சுயம்’ என்ற கட்டுரை நூலையும் எழுதியிருக்கிறார். பாகிஸ்தான் பெண் படைப்பாளிகளின் சிறுகதைகளை மொழிபெயர்த்துத் தொகுத்திருக்கிறார். கலை வரலாறு தொடர்பாக விரிவான கட்டுரைகளை எழுதிவரும் இவர், வணிக வரித் துறையில் துணை ஆணையராகப் பணிபுரிகிறார்.

Do you like the story?

Please Appreciate the Author by clapping!

Editor’s Pick