எழுத்துக்கு அப்பால்! - வெ.நீலகண்டன்

இத்தொடரின் மற்ற பாகங்கள்:
இங்கேயும்... இப்போதும்...

அல்லி உதயன்

“எதிர்காலம் குறித்த நம்பிக்கையில்தான், எழுத்தாளனின் நிகழ்கால இருப்பு உள்ளது. முப்பதாண்டு காலம் நம்பிக்கையை ஊன்றிக்கொண்டே இலக்கிய வீதிகளில் நெடுந்தூரம் பயணித்திருக்கிறேன். இலக்கியத்தின் உயிர் என்பது, அதில் அடர்ந்திருக்கும் மனிதம். எழுத்தைத் தாண்டி எதுவும் எனக்கு உயர்வைத் தந்ததில்லை. அதனால், அதை மட்டுமே சூடிக்கொண்டிருக்கிறேன். சமூகப் பொதுவெளியில் நானோர் அப்பாவி; வாழ்வின் உள்ளர்த்தம் புரியாத வழிப்போக்கன்; பிழைக்கத் தெரியாதவன். ஆனால், நான் என் பயணத்தின் நெடுகில் விதைத்து வந்திருக்கும் விதைகள், எதிர்காலத்தில் வானுயர் விருட்சங்களாக வளர்ந்து நிற்கும்.”  

தேனி அல்லிநகரத்தைச் சேர்ந்தவர். மசாலா மற்றும் மாவுப்பொருள்கள் தயாரித்து, இருசக்கர வாகனத்தில் தேனியைச் சுற்றியுள்ள கிராமங்களில் விற்பனைசெய்து வருகிறார். ‘கறைபடிந்த வைகறைகள்’ என்ற கவிதைத் தொகுப்பையும், ‘பிழிவு’ என்ற சிறுகதைத் தொகுப்பையும் எழுதியிருக்கிறார். வியாபாரப் பெருநகரான தேனியின் நவதானிய வணிகத்தைக் களமாகக்கொண்டு நாவல் ஒன்றை எழுதிவருகிறார். இவரின் இயற்பெயர் வீ.உதயகுமார்.

Do you like the story?

Please Appreciate the Author by clapping!

Editor’s Pick