‘காற்று வெளியிடை’ க்கு அப்பால் மணிரத்னத்தின் சினிமா! - சுகுணா திவாகர்

இத்தொடரின் மற்ற பாகங்கள்:

கரு.பழனியப்பன் இயக்கத்தில் வெளிவந்த படம் ‘பார்த்திபன் கனவு’. நாயகன் ஸ்ரீகாந்த் சாலையில் பார்க்கும் நாயகி சினேகாவின் மீது காதல்வயப்படுவார். எதேச்சையாக அவர் வீட்டில் பார்க்கும் பெண்ணும் சினேகாவேதான் என்பதை அறிந்து ஆனந்தம்கொள்வார். ஆனால், திருமணத்துக்குப் பிறகுதான், தனது மனைவி, தான் காதலித்த அதே பெண் அல்ல, அந்தத் தோற்றத்தில் உள்ள இன்னொரு பெண் என்பது தெரியவரும். திருமணத்துக்கு முன்பு சினேகாவின் தனிப்பட்ட ரசனைகளைத் தெரிந்துகொள்வதற்காக அவரை அறியாமலே பின்தொடர்வார். திருமணத்துக்குப் பிறகு தனக்கு வாய்த்த மனைவி, தான் காதலித்த பெண்ணைப்போல் நவீனமான ரசனைகொண்டவர் அல்ல என்பதை அறிந்து நொந்துபோவார். ஸ்ரீகாந்தின் ‘காதலி’யான சினேகா, மணிரத்னத்தின் ரசிகை. ‘மனைவி’ சினேகாவோ பாக்கியராஜின் ரசிகை. மணிரத்னத்தின் படங்களை ரசிப்பது நவீனமான உயர்தர ரசனை என்பது தமிழ்ப் பொதுப்புத்தி என்பதற்கான எளிய உதாரணம் இது.

சமீபத்தில் வெளியான மணிரத்னத்தின் ‘காற்று வெளியிடை’ திரைப்படம் பெரும்பாலான ரசிகர்களுக்குப் பிடிக்காமல் தோல்வியடைந்துள்ளது. மணிரத்னத்தின் ரசிகர்களோ  ‘காற்று வெளியிடை’ படத்தை ரசிக்க இளமையான மனம் வேண்டும் என்றெல்லாம் இணையத்தில் சப்பைக்கட்டு கட்டினார்கள். அப்படி சொன்னவர்களில் பெரும்பாலானோர் முப்பதையும் நாற்பதையும் கடந்தவர்கள் என்பதும் மணிரத்னத்துக்கே 60 வயதாகிவிட்டது என்பதும் அவல நகைச்சுவைதான்.

மணிரத்னம் தமிழ் சினிமாவில் பல நவீனமான மாற்றங்களை ஏற்படுத்திய இயக்குநர். ரஜினி, கமல், இளையராஜா வரிசையில் ‘சார்’ போட்டு அழைக்கப்படக்கூடியவர் மணிரத்னம். சிலர் மணிரத்னம் படம் குறித்த விமர்சனத்தில்கூட ‘மணி சார்’ என்று எழுதக்கூடிய அளவுக்கு மதிக்கப்படக்கூடியவர். உண்மையில் மணிரத்னம் படங்களுக்குத் தமிழ் சினிமாவில் என்ன இடம்? அவரது திரைமொழி ஏன் பலரின் கவனம் பெற்றது? இப்போது ஏன் அவரது திரைப்படங்கள் போதிய வரவேற்பைப் பெறுவது இல்லை?

Do you like the story?

Please Appreciate the Author by clapping!

Editor’s Pick