கவிதைகள் - சுகுணா திவாகர்

ஓவியங்கள் : ரமணன்

தப்பிய காலம்

ட்சத்திரங்களின் வாலில்
பட்டாசு கட்டிக் கொளுத்திய காலம்.
அது கைநழுவிப்போயிருக்கிறது.
மேற்குமலைகளின் பச்சைப்புல்வெளி
நிலநடுக்கத்தின் விரிசலுற்றிருக்கிறது.
கடல் நம்மை விழுங்கத் தயாராயிருக்கிறது.
அதன் அலைகளுக்குக் கொடூரப்பற்கள்
முளைத்திருக்கின்றன.
கோடையில் வெடிப்புற்ற நிலங்களின் விரிசலும் நாம்தான்.
பெருமழையில் மிதக்கும்
பிளாஸ்டிக் குப்பைகளும் நாம்தான்.
காலத்தைச் சுருக்கி
ஓர் அலைபேசியாக்கிவிட்டோம்.
நீர்நிலைகளைத் தேடிவரும்
அயல்நாட்டுப் பறவைகளே
நம் தப்பிய காலத்தை நினைவூட்டுகின்றன.
சமயங்களில் அவையும்
காலத்தில் குழம்பி
நம் சட்டைப்பையின் அருகில் வந்துவிடுகின்றன.
அலைபேசியை இறுகப்பிடித்துக்கொள்கிறோம்.
சூரியனைக் குளிர்பதனப்பெட்டியில் வைக்கும்
பிரயத்தனங்களில் நாமிருப்பதை
இந்தப் பறவைகளுக்குச் சொல்லிவிட முடியுமா?

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்