ஞானி என்ற சகாப்தம் - கே.சந்துரு, நீதிபதி (ஓய்வு)

இத்தொடரின் மற்ற பாகங்கள்:

னந்த விகடனுக்கும், எனக்கும் தொடர்பு ஏற்படுத்தியதில் ஞாநிக்குப் பெரும் பங்குண்டு. ‘வறுமையில் வாடும் வக்கீல்கள்’ என்று ஒரு கட்டுரை, ஜூனியர் விகடனில் வெளியானது. அக்கட்டுரை பற்றியத் தகவல், முகப்பு அட்டையிலும் போடப்பட்டது. பல ஜூனியர் வக்கீல்களுக்கு சீனியர்கள் பணம் கொடுப்பதில்லை என்றும், பலரும் வறுமையில் மதிய நேரத்தில் உணவில்லாமல் வேர்க்கடலை வாங்கிச் சாப்பிடுகிறார்கள் என்றும் அக்கட்டுரையில் கூறப்பட்டிருந்தது. உடனே கொதித்தெழுந்த வக்கீல்களும், அவர்களது சங்கங்களும் ஆசிரியர் எஸ்.பாலசுப்ரமணியன் அவர்கள் மீது குற்றவியல் அவதூறு வழக்குத் தொடர்ந்தனர். இதுபோன்று பல நீதிமன்றங்களிலும் வக்கீல்கள் வழக்குத் தொடர்ந்தனர்.

 ஒருநாள் மாலை, இது பற்றி ஞாநி என்னிடம் கூறியபோது, `அக்கட்டுரையில் கூறப்பட்டிருப்பது உண்மைதானே, ஜூனியர் வக்கீல்களின் நிலைமை பற்றி இந்திய பார் கவுன்சில் எடுத்த ஒரு கணிப்பில், இப்படிப்பட்ட தகவல்கள் வந்துள்ளனவே’ என்று சொன்னார். அடுத்த நாளே ஆசிரியரிடமிருந்து என்னைச் சந்திப்பதற்கு அழைப்பு வந்தது. ஞாநியும், நானும் அவரைச் சந்தித்தோம். பார் கவுன்சிலின் கணிப்பு அடங்கிய கட்டுரையை அவரிடம் கொடுத்தேன். அவர் உடனே அவரது வழக்குகளில் என்னை ஆஜராகும்படி கேட்டுக்கொண்டார். நான் பார் கவுன்சிலிலும், வழக்கறிஞர் சங்கத்திலும் நிர்வாகியாக இருந்திருப்பதனால், எனக்கு முதலில் தயக்கம் இருந்தாலும் பின்னர் அவ்வழக்குகளில் ஆஜராகி வெற்றியும் பெற்றோம். அதே சமயத்தில், வக்கீல்களின் கோபத்திற்கும் ஆளானேன்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்