சினிமா வெறியின் 40 ஆண்டுகள் - ஷாஜி

இத்தொடரின் மற்ற பாகங்கள்:
தங்கமயில் ஆட்டம்புதிய தொடர்ஓவியங்கள் : செந்தில்

யிலு குஞ்சுமோன் என்று ஒருவர் இருந்தார். அப்பாவின் தொலைதூரத்துச் சொந்தக்காரர். நாற்பதாண்டுகளுக்கு முன்பு நடந்த கதையைத்தான் சொல்கிறேன். தன்னுடைய கிராமத்தில் ஒரு சினிமாக் கொட்டகையில் நடந்த அடிதடியில் சிக்கி, அங்கிருந்து தலைமறைவாகி எங்களூருக்கு ஓடிவந்தவர் அந்த மயில். ஒரு கெட்ட வார்த்தையைச் சற்றே மாற்றியபோது கிடைத்த மயிலு எனும் பட்டப்பெயரை அவர் கடுமையாக வெறுத்தார். “டேய் மயிலு..” என்று அழைப்பவர்களிடம் “பல கத்திக் குத்து கேசுல போலீஸு தேடிட்டிருக்கிற ஆளு நானு... தெர்மா?” என்றெல்லாம் வீம்புக்குக் கேட்பார். ஆனால், யாரோ கழுத்தைப் பிடித்துத் தள்ளிவிட்டதில் பயந்து நடுங்கி ஊரைவிட்டே ஓடி மலையேறி வந்தவன்தான் மயில் என்று என் அம்மா சொன்னார். எங்கள் மலைக் கிராமத்தில் மாமன்கள், மாமிகள், அண்ணன் தம்பிகள் எனப் பல தூரத்துச் சொந்தங்கள் மயிலுக்கிருந்தன. அந்த வீடுகள் ஒவ்வொன்றிலும் ஏறியிறங்கி சந்தோஷமாக வாழ்ந்தார். ஆனால், பெரும்பாலும் எங்கள் வீட்டில்தான் தங்குவார். நேராநேரம் ருசியாக உண்பதும் எந்நேரமும் போர்த்திக்கொண்டு தூங்குவதும் மயிலின் கட்டாயத் தேவைகளாக இருந்தன. “டேய் குஞ்சுமோனே... இந்த வீட்டுல எவ்வளவு வேல கெடக்குதுடா? எதாவதொண்ணுக்கு நீயும் கொஞ்சம் ஒதவக் கூடாதா?” என்று என் அம்மா ஒரேயொரு முறை கேட்டதற்கு மயில் செய்த காரியம் என்னவென்று தெரியுமா?

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்