வாப்பான்ர கொக்கான் கல்லுகள் - யதார்த்தன்

ஓவியங்கள் : ரமணன்

வாப்பா தன்னுடைய ஆறாவது மகளின், அதாவது என்னுடைய வீட்டை அபீர் தெருவின் கடைக்கோடியில் கட்டி முடித்தார். அப்போது வாப்பாவுக்கு இன்னும் ஒரேயொரு வீடு மிச்சமிருந்தது. தங்கை பஷீராவின் வீட்டைக் கட்டி அவளுக்கொரு துணை தேடிக் கொடுத்துவிட்டால் வாப்பா சந்தோஷமாக ஹச்சுக்குப் புறப்பட்டுப் போய்விடுவார். அந்தப் புனிதமான யாத்திரையைக் காட்டிலும். கடமையைக் காட்டிலும் தன்னுடைய மகள்களுக்கு நல்ல ஒரு வரனும் ஒரு வீடும் அமைத்து கொடுப்பதைத்தான் வாப்பா தன்னுடைய  வாழ்வின் அர்த்தமென்று கருதியிருந்தார். நான் இவரை மணமுடித்த பிறகு, வாப்பாவைப் பார்க்க அபீர் தெருமுனையிலிருந்த எங்களுடைய வீட்டுக்கு மூன்று மாதங்கள் கழித்து போயிருந்தபோது, வாப்பா மிகவும் தளர்ந்துபோயிருந்தார். மேல் சட்டை இல்லை. வாப்பா எப்போதும் தன்னுடைய மேல்சாரையை நீக்கியதில்லை, வீட்டிலும்கூட. உம்மா நெஞ்சில் ஏதோ களிம்பு பூசிவிட்டிருந்தாள். 

Do you like the story?

Please Appreciate the Author by clapping!

Editor’s Pick