மலையகத் தமிழரின் துயரம் அறிவீரோ? | Mullivaikkal Remembrance Day - Vikatan Thadam | விகடன் தடம்

வெளியிடப்பட்ட நேரம்: 06:00 (01/05/2019)

மலையகத் தமிழரின் துயரம் அறிவீரோ?

தவமுதல்வன்

றப்போராட்டமாகத் தொடங்கி, ஆயுதப் போராட்டமாக உருவெடுத்து, பல ஆண்டுகள் நீடித்து ரத்தச்சேற்றில் ஈழப்போராட்டம் மூழ்கடிக்கப்பட்டதை உலகம் அறியும்.  2009, மே மாதம் முடிவுக்குவந்த போருக்குப் பின், பத்து ஆண்டுகளைக் கடந்துவிட்டோம். கடந்த சில வருடங்களாகத்தான் இலங்கையின் விடுதலைப் போராட்டம் பற்றிய பேச்சு கொஞ்சம் தமிழகத்தில் குறைந்திருக்கிறது. என் வாழ்நாளில், தமிழகத்தில் அதிகம் பேசப்பட்டதாக அவதானித்த விடயங்களில் ஒன்று, இலங்கையில் நடைபெற்ற வடகிழக்கு தமிழர்களின் போராட்டம் பற்றியதே. நான் அங்கே பிறந்து ஏழு வயதாக இருக்கும்போதே குடும்பத்துடன் தமிழகம் வந்துவிட்டோம். எங்களை ‘தாயகம் திரும்பியோர்’ என அழைக்கிறார்கள். உண்மை அதுதானா என்றால் இல்லவே இல்லை, திருப்பி அனுப்பப்பட்டோம். ஐந்து லட்சத்திற்கும் மேற்பட்ட மக்கள் நாங்கள் வெளியேற்றப் பட்டோம். ஓராண்டு ஈராண்டு அல்ல, 150 ஆண்டுகளுக்கு மேல் அந்த மண்ணில் வாழ்ந்து, அந்த நாட்டின் மொத்த பொருளாதாரத்தையும் தேயிலையால் கட்டியெழுப்பிய நாங்கள் திருப்பி அனுப்பப் பட்டோம். 1948-ல் இலங்கைக்குச் சுதந்திரம் கிடைத்தது மட்டுமே எல்லோருக்கும் தெரியும். ஆனால், அன்றிலிருந்துதான் பத்து லட்சம் மக்களின் குடியுரிமை பறிக்கப்பட்டு நாடற்றவர்களாக்கப்பட்டனர். அந்த மலையகத் தமிழர் பற்றி எவருக்கும் இங்கே தெரியாது. தெளிவாகச் சொன்னால், வெள்ளைக்காரனிடம் இலங்கை குடியுரிமையுடையவர்களாக இருந்து, சிங்களப் பேரினவாதிகளிடம் நாடற்றவர் ஆக்கப்பட்டோம். பின் 1964-ல், இன்னொரு துரோக ஒப்பந்தம் செய்யப்பட்டது. அன்றைய இலங்கைப் பிரதமர் சிறிமாவோ பண்டார நாயக்காவும், இந்தியப் பிரதமர் லால் பகதூர் சாஸ்திரியும் செய்துகொண்ட அந்த ஒப்பந்தம் எங்களை இந்தியாவிற்கு நாடுகடத்தியது. இரண்டு நாள்களில் பல லட்சம் மக்களின் வாழ்க்கை சிதறடிக்கப்பட்டது, இன்றுவரை அந்த வாழ்க்கை அல்லாடிக்கொண்டிருக்கிறது.

நீங்க எப்படி பீல் பண்றீங்க