ஆள் பாதி ஆப்ஸ் பாதி!

‘மது அருந்துதல் உடல்நலத்திற்குத் தீங்கானது. புகைபிடித்தல் புற்றுநோயை உண்டாக்கும்’னு கேப்ஷன்ஸ் கொடுக்கிற மாதிரி, கூடிய சீக்கிரம் ‘மொபைல் போனைப் பயன்படுத்துவது ஆபத்தானது’னு அறிக்கை விட்டாலும் விடுவாங்க. பின்னே? இப்பவே சார்ஜில் போட்டுப் பேசக் கூடாது, அதிகநேரம் பேசக் கூடாது, மொபைல் வெளிச்சம் கண்ணில் படக் கூடாதுனு ‘மொபைல் பயன்படுத்துவோர் கவனத்திற்கு’ ஆயிரெத்தெட்டு தகவல்கள் வந்துக்கிட்டுதான் இருக்கு. நாமளும், காலையில் கண்ணு முழிச்சதில் இருந்து, ராத்திரி தூங்குறவரை... மொபைலே கதினு கிடக்கிறோம். இதுக்கெல்லாம் ஒரு முடிவு கட்டணும்னு நீங்க ஒரு  முடிவெடுத்தீங்கனா, இந்தா படிங்க ‘பிரேக் ஃப்ரீ’ ஆண்ட்ராய்டு அப்ளிகேஷனை!

அப்ளிகேஷனைப் பார்த்ததுமே, ‘என்னவாம்?’னுதான் கேட்கத்தோணும். ஆனால், இந்த அப்ளிகேஷன் உங்களுக்குச் செய்யப்போகும் சேவைகள் ‘ஆஹாங்’ ரகம். டவுன்லோடு செய்தால், உங்கள் டிஜிட்டல் வாழ்க்கையைக் கட்டுப்பாட்டுக்குள் வைத்திருக்க, இந்த அப்ளிகேஷன் நிச்சயம் உதவும். அழைப்புகள், மெசேஜ், படம், வீடியோ, ஆடியோ, வாட்ஸ்-அப், ஃபேஸ்புக், ட்விட்டர், இன்ஸ்டாகிராம், வெப்சைட்டுகள்... என அத்தனை அத்தியாயங்களும் கையடக்க மொபைலில் இருக்கும்போது, அதை ஒரு நாளைக்கு எத்தனை முறை நீங்கள் பார்க்கிறீர்கள்? 50, 100, 150? எண்ணவே முடியாத கணக்கைக் கடந்துபோகும் இதையெல்லாம் கட்டுப்படுத்துவதுதான், இந்த ‘பிரேக் ஃப்ரீ’ அப்ளிகேஷனின் முக்கியக் கடமை. நீண்டநேரமாக சமூக வலைதளத்தில் மேய்ந்துகொண்டிருக்கிறீர்கள் என்றால், ‘போதும் பாஸ்’னு குரல் கொடுக்கும். நாள் ஒன்றிற்கு இத்தனைமணி நேரத்தில் இருந்து, இத்தனைமணி நேரம்வரை (எமர்ஜென்ஸி அழைப்புகளை செட்டிங் செய்துகொள்ளலாம்) மொபைலைப் பயன்படுத்துவதில்லை என்று உறுதிமொழி எடுக்கவைக்கும். குடும்பத்தோடு, நண்பர்களோடு வெளியே செல்லத் திட்டமிடுகிறீர்கள் எனில், அந்த நேரத்தில் வாட்ஸ்-அப், ஃபேஸ்புக் உள்ளிட்ட சமூக வலைதள ‘வலை’களில் இருந்து உங்களைக் காப்பாற்றுவதற்காக, நோட்டிஃபிகேஷன்களைத் துண்டிக்கும். இதுக்கெல்லாம் எதுக்கு பாஸ் இந்த அப்ளிகேஷனைப் பயன்படுத்தணும்னு நினைக்கிறீங்களா? அப்போ, பின்வரும் காரணங்களுக்காகப் பயன்படுத்தலாம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்