பார்ததால் பசி ஏறும்!

சாப்பிடுறதுனா உங்களுக்குப் பிடிக்குமா? ஊர் சுத்துறதுனா உங்களுக்குப் பிடிக்குமா? அப்போ இதை என்னானு பாருங்க. ‘கேர்ள் ஈட் வேர்ல்டு’ பிரபலமான இன்ஸ்டாகிராம் பக்கம். இந்தப் பக்கம் முழுவதிலும் வெளிநாட்டு உணவுகளும், சுற்றுலாத் தலங்களும் புகைப்படங்களாக ஆவணப்படுத்தப்பட்டிருக்கிறது. ஒவ்வொரு படமும் ‘உச்’ கொட்ட வைக்கிறது, படத்தையே ஒரு கடி கடிக்கணும் போலத் தோன்றுகிறது.

‘கேர்ள் ஈட் வேர்ல்டு’ இன்ஸ்டாகிராம் பக்கத்தின் ‘கேர்ள்’ மெல்லிசா ஹை கூறுகையில், “2013-ம் ஆண்டு முதல்முறையாக தனியாக ஐரோப்பா டூர் போனேன். ஜெர்மனி, செக் குடியரசு, ஆஸ்திரியா, நெதர்லாந்து, பெல்ஜியம் என ஒவ்வொரு நாடுகளையும் சுற்றி வரும்போது பல சுவையான உணவுகளைச் சாப்பிட நேர்ந்தது. அப்போது அந்த உணவுகளை, அந்த ஊரை பேக் ட்ராப்பாக வைத்துப் புகைப்படங்கள் எடுத்தேன். இப்படி ஆரம்பித்ததுதான் ‘கேர்ள் ஈட் வேர்ல்டு’ கான்செஃப்ட். அதன் பிறகு பல நாடுகள் சுற்றி பல உணவுகளைப் புகைப்படங்கள் எடுத்து வருகிறேன்’’ என்கிறார் செம ஜாலியாக. சூப்பர் ஐடியாவா இருக்குல்ல பாஸ், நானும் மதுரைக்குக் கிளம்பிப் போய் மல்லிகைப் பூ இட்லி, மட்டன் சுக்கானு ஊரை பேக் ட்ராப்பா வெச்சு போட்டோ எடுக்கப் போறேன். நீங்களும் பயணங்களின்போது முயற்சி பண்ணிப் பாருங்க...

-ப.சூரியராஜ்

Do you like the story?

Please Appreciate the Author by clapping!

Editor’s Pick