புஸ்ஸாகும் புத்தாண்டு சபதங்கள்!

புத்தாண்டு பிறக்கும் போது நடுராத்திரியில் உணர்ச்சி வசப்பட்டு ஏகத்துக்கு சபதங்கள் எடுத்துக் கொள்வோம். ஒரே வாரத்துல அது மறந்தே போயிடும். அடுத்த வருஷ ஆரம்பத்துல `திரும்பி மொதல்ல இருந்து ஆரம்பிப்போமா?'ன்னு விளையாடுவோம். இதைப் படிக்கிறப்போ `ஃப்ளாப்' ஆக வாய்ப்பிருக்கும் 6 சபதங்கள்தான் இவை...

1 ) குவாட்டருக்கு நோ : டிசம்பர் 31  மிட்நைட் பிரண்ட்ஸுங்க கூடப் போய் ஒரே ஆட்டம்தான். ஒரு வாரம் ஸ்ட்ராங்கா நிப்பாங்க. அப்புறம் முடியாம, படிப்படியா மதுவிலக்குன்னு அடிச்சு சொல்லுவாங்க. வருஷ நடுவிலேயே, `அளவா குடிப்பேன் தெரியுமா?' மோடுக்கு மாறி இருப்பாங்க!

2 ) மெகா சீரியல் மேனியா : `சீ... என்ன எழவெடுத்த சீரியல்! இது வந்ததுல இருந்து நம்ம புள்ளக்குட்டி, புருஷனை மறந்துட்டோம். இந்த வருஷத்துல இருந்து சீரியல் கட்'னு நம்ம லேடீஸ் சென்டிமென்ட் பேசுவாங்க. ஒரு நாள் தாங்காது. `அந்தப் பொண்ணுக்கு என்னாச்சோ?'ன்னு அலறுவாங்க. `ஒரே ஒரு சீரியலை மட்டும் கடைசி வரைக்கும் பாத்துக்குறேன்'னு சொல்லுவாங்க.. அந்த சீரியல் முடியவே பத்து வருஷம் ஆகும்னு அவங்களுக்குத் தெரியாதா என்ன?

3 ) ஹலோ நான் பேசமாட்டேன் : இது யூத்துங்க சபதம். போன்ல கடலை போடுறதைக் குறைச்சிட்டு படிக்கப்போறேன், வேலை பார்க்கப் போறேன்னு சொல்லிட்டு திரிவாங்க. `அழகன்' மம்மூட்டி-பானுப்ரியா ரேஞ்சுக்கு நான்ஸ்டாப்பா பேசுவாங்க. கேட்டா, `நான் கூப்பிடல... இன்கம்மிங் கால் தான்!'ன்னு மேட்டரை க்ளோஸ் பண்ணிடுவாங்க.

4 ) ஸ்ட்ரிக்ட் டயட் : `இந்த வருஷம் நொறுக்கு தீனிக்குத் தடா போட்டு ஸ்லிம் ஆகிக் காட்டுறேன்'னு டயட்டுக்கு மாறுவாங்க. `தொப்பையைக் குறைக்க தினமும் வாக்கிங் போறேன்'னு சொல்லுவாங்க. நாலு கிலோமீட்டர் நடப்பாங்க. அப்புறம் ரெண்டு கிலோமீட்டர், ஒரு கிலோமீட்டர்னு மீட்டர் கணக்குக் குறைஞ்சு போய், கடைசியில நோ மைலேஜ். கேட்டா வழக்கம் போல நாளைக்கு... அவ்ளோ தாங்க வருஷம் முடிஞ்சிடும்!

5 ) கடன் அன்பை முறிக்கும் :
`யாருகிட்டேயும் கடன் வாங்க கூடாது'ன்னு சொல்லிக்கிட்டு  அம்பானி கணக்கா வீராப்பா திரிவாங்க. அப்புறம் `நோ மணி, நோ மணி'ன்னு பாடிக்கிட்டு மல்லையா மாதிரி சுளையா கடன் வாங்கிப்ப் பழகிட்டு திருப்பிக் கொடுக்க திணுறுவாங்க.

6 ) ஆங்ரி பேர்ட் :
`என்னோட முன் கோபத்தை நான் குறைச்சுப்பேன்'னு போதி மரத்துக்கு கீழே உட்கார்ந்து வந்த புத்தர் கணக்கா பேசுவாங்க. அப்புறம் விட்ட குறை, தொட்ட குறையா மெல்ல மூக்குக்கு மேல வர்ற கோபம், தலைக்கு ஏறும். கேட்டா `நான் நார்மலாதான் இருக்கேன். உங்க கண்ணுக்கு எல்லாம் தப்பா தெரியுது!'ன்னு சட்டம் பேசுவாங்க.

போதும்யா!

- எம்.விக்னேஷ்

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்