Banner 1
நடிகர்

அஜித்

அஜித்குமார் தமிழ் திரைப்பட நடிகர் ஆவார். ரசிகர்கள் இவரை `அல்டிமேட் ஸ்டார்` எனவும் `தல` எனவும் அழைப்பர். 1971 மே 1ல் ஐதராபாத்தில் பிறந்த இவர் 1992ல் திரையுலகத்தில் கால் பதித்தார். இவர் முதல் முறையாக `பிரேம புத்தகம்` எனும் தெலுங்கு திரைப்படத்தில் நடித்தார். பிறகு, `அமராவதி` என்னும் தமிழ் திரைப்படத்தில் அறிமுகமானார். 1995ல் வெளியான `ஆசை` திரைப்படம் நல்ல வெற்ரியை கொடுத்தது.

  இவர் மோட்டார் பந்தயத்தில் அதிகம் ஆர்வம் உள்ளவர். இடையில் மோட்டார் பந்தயம் ஒன்றில் போட்டியிட்டுப் படுகாயமடைந்தார். இதனால் நடிப்பில் தடை ஏற்பட்டது. அதன் பின்னர் சரண் இயக்கத்தில் 1998ஆம் ஆண்டில் வெளியான காதல் மன்னன் திரைப்படத்தின் மூலமாக மீண்டும் நடிக்கத் தொடங்கினார். இதுவரை 56 படங்கள் நடித்துள்ளார். இதில் வாலி, வில்லன், அட்டகாசம், பில்லா, அசல் ஆகிய படங்களில் இரட்டை வேடங்களிலும் நடித்துள்ளார்.

 வாலி, வில்லன், வரலாறு ஆகிய படங்களுக்கு சிறந்த நடிகருக்கான பிலிம் ஃபேர் விருதினை பெற்றார். `பூவெல்லாம் உன் வாசம்`, `வரலாறு` ஆகிய படங்களுக்கு தமிழக அரசின் சிறந்த நடிகருக்கான விருதினை பெற்றார் என்பது குறிப்பிடத்தக்கது. அமர்க்களம் திரைப்படத்தில் நடிக்கும் போது நடிகை ஷாலினியைக் காதல் திருமணம் செய்து கொண்டார். இவர்களுக்கு அனோஸ்கா என்ற பெண் குழந்தையும், ஆத்விக் என்ற ஆண் குழந்தையும் உள்ளனர். தமிழ் திரை உலகில் அனைவருக்கும்க் பிடித்த முன்னனி நடிகராக வலம் வந்துகொண்டிருக்கிறார். 

விவேகம் அஜித்குமாரின் 57 வது படம். இந்த படத்தை சிறுத்தை சிவா இயக்கினார்.  மேலும் காஜல் அகர்வால், அக்‌ஷரா ஹாசன், கருணாகரன் ஆகியோர் நடித்திருந்த இந்தப் படத்துக்கு, அனிருத் இசையமைத்தார். 

சிறுத்தை சிவா இயக்கத்தில் அஜித் நடிக்கும் திரைப்படம் 'விசுவாசம்'. அஜித்தின் 58-வது படமான இந்தப் படத்துக்காக சிவாவுடன் நான்காவது முறையாக ஒன்று சேர்ந்தார் அஜித்.

தொகுப்பு : உ.சுதர்சன் காந்தி