Banner 1

கவுண்டமணி

தமிழ் சினிமா வரலாற்றில் தனது நகைச்சுவை திறனால் பலரையும் ஈர்த்தவர்,கவுண்டமணி. ஆரம்பக் காலத்தில்,நாடக மேடையில் பல கதாபாத்திரத்தில் நடித்துப் புகழ் பெற்ற இவர்,தன்னுடைய இருபத்து ஆறாவது வயதில் தமிழ் திரைவுலகில் முதன் முறையாக கால்பதித்தார்.

கவுண்டமணி  அவர்கள் 1939 ஆம் ஆண்டு,மே மாதம் 18 ஆம் நாள்  இந்தியாவில் உள்ள தமிழ் நாடு மாநிலத்தில்,கோயம்புத்தூரில் பிறந்தார். இவரது  பெற்றோர்  கருப்பையா, அன்னம்மா ஆவர்.இவர் மனைவியின் பெயர் சாந்தி.இவர்களுக்கு ஒரு மகனும் மகளும் உள்ளனர்.சுப்பிரமணி என்னும் இயற்பெயர் கொண்ட இவர் ஒரு நாடகத்தில் "ஊர் கவுண்டர்" என்னும் கதபாத்திரத்தில் மிக அற்புதமாக தனது நடிப்பாற்றலை வெளிப்படுத்தி  புகழ்பெற்றதால் அன்று முதல் இவரை "கவுண்டமணி"என்றே அனைவரும் அழைக்கின்றனர்.தனது சினிமா பயணத்தை  சிறு சிறுக் கதபாத்திரத்தில் நடித்து   தொடங்கிய இவர்  ,1976 ஆம் ஆண்டு பாரதிராஜா இயக்கத்தில் வெளி வந்த '16 வயதினிலே' என்னும் படத்தில், 'பத்த வைச்சிட்டியே பரட்டை' என்னும் அவர் பேசிய வசனம் மிகப் பிரபலமானது. .  

தொகுப்பு : விகடன் டீம்