பாண்டிச்சேரி | Latest tamil news about Pondicherry | VikatanPedia
Banner 1
யூனியன் பிரதேசம்

பாண்டிச்சேரி

இதற்கு புதுச்சேரி, புதுவை என்ற பெயர்களும் உண்டு. சென்னையில் இருந்து 170 கிமீ தொலைவில் உள்ள யூனியன் பிரதேஷம்

பாண்டிச்சேரி இந்தியாவின் ஒன்றிய ஆட்சிப்பகுதிகளுள் ஒன்றாகும். இதற்கு புதுச்சேரி, புதுவை என்ற பெயர்களும் உண்டு. சென்னையில் இருந்து 170 கிமீ தொலைவில் உள்ளது. ஏறக்குறைய இருநூறு ஆண்டுகளுக்கு மேல் பிரெஞ்சுக்காரர்களின் ஆதிக்கத்தில் இருந்தது. புதுச்சேரி ஒன்றியப் பகுதி ஒன்றுடன் ஒன்று இணைக்கப்படாத நான்கு மாவட்டங்களைக் கொண்டுள்ளது. வங்காள விரிகுடாவை ஒட்டி புதுச்சேரி, காரைக்கால், ஏனாம் மாவட்டங்கள் உள்ளன.

அரபிக் கடலைச் சார்ந்து மாஹே மாவட்டம் உள்ளது. பரப்பளவு, மக்கள்தொகை வகையில் புதுச்சேரியும் காரைக்காலும் பெரிய மாவட்டங்கள். இந்த இடத்தில் உரோமானியப் பொருட்கள் இறக்குமதி செய்யப்பட்டு வணிக மையமாக விளங்கியதைச் சுட்டுவதாகக் குறிப்பிடுகிறது வரலாறு.

பிரெஞ்சுப் பகுதியில் குடிமைப்பட்ட கால பாணியில் உயரமான சுவர்களுடனும் நீண்ட சுற்றுச்சுவர்களுனும் உள்ள கட்டிடங்களைக் காணலாம். 1954இல் புதுச்சேரியை விட்டு விலகும்போது பிரான்சிய அரசு வழங்கிய விருப்பத் தேர்வின்படி பிரான்சிய குடிமக்களாக நீடிக்க விரும்பியவர்களின் சந்திதியினர் இன்னும் இருக்கின்றனர். தமிழ், தெலுங்கு, பிரெஞ்சு, மலையாளம் ஆகியன வட்டார அலுவல் மொழிகள். அணில், குயில், நாகலிங்க பூ, வில்வ மரம் ஆகியன இதன் குறியீடுகள்.

மேலும் புதுவையில் உள்ள அரசுப் பள்ளிகளில் CBSE பாடத்திட்டம் பின்பற்றப்படுகிறது. புதுச்சேரி சிரந்த வரலாற்று சிறப்புமிக்க இடமாகவும், சுற்றுலா தலமாகவும் விளங்கி வருகிறது. இதன் தற்போதிய முதலமைச்சராக நாராயணசாமியும், முதல்நிலை ஆளுநராக கிரண் பேடியும் பதவி வகிக்கின்றனர்.  

தொகுப்பு : உ.சுதர்சன் காந்தி