Banner 1
இயக்குனர்

பொன்ராம்

'வருத்தப்படாத வாலிபர் சங்கம்', 'ரஜினி முருகன்' என சிவகார்த்திகேயனை வைத்து ஃபேமிலி என்டர்டெயின்மென்ட் படங்களை எடுத்தவர் இயக்குநர் பொன்ராம். சிரிக்கச் சிரிக்கப் படமெடுத்து அதில் சிந்திக்க வைக்கும் சில விசயங்களையும் சொல்பவர் இயக்குநர் பொன்ராம்.

ஆரம்பம்
மே 10ஆம் தேதி பிறந்தார் இயக்குனர் பொன்ராம்.இயக்குனர் ராஜேஷிடம் உதவி இயக்குனராக பணிபுரிந்து,பின்னர் 'வருத்தப்படாத வாலிபர் சங்கம்' மூலம் இயக்குனராக உருவெடுத்தார்.தொடர்ந்து வந்த 'ரஜினி முருகன்' இவரை மாஸ் எண்டெர்டெயினர் டைரக்டராக மாற்றியது.


வருத்தப்படாத வாலிபர் சங்கம்
சிவகார்த்திகேயன்,ஸ்ரீ திவ்யா,சூரி,சத்யராஜ் என பெரிய பட்டலாமே இதில் நடித்தது.வெறும் 7 கோடி செலவில் எடுக்கப்பட்ட இத்திரைப்படம்,77.5 கோடியை பாக்ஸ் ஆபீஸ் வசூலாக பெற்று பெரிய சாதனையை படைத்தது.’ஊதா கலரு ரிப்பன்' பாட்டு ஒன்றே போதும் இமானின் இசைக்கு.ராஜேஷின் வசனங்கள் பட்டிதொட்டி எங்கும் எதிரொலித்தது.2013ஆம் ஆண்டு வெளிவந்த இது,அவ்வருடத்தில் அனைவருக்கும் நல்ல லாபம் தரக்கூடிய படமாக அமைந்தது.


ரஜினி முருகன்
மீண்டும் அதே கூட்டணி இணைந்தது.அதே பாலசுப்ரமணியத்தின் கேமெராவும்,யுகபாரதியின் பாடல் வரிகளும் படம் முழுக்க அட்டகாசம் செய்தன.பல தேதிகள் கடந்து,ஒரு வழியாக படம் வெளியானது.அப்போது வெளிவந்த 'தாரை தப்பட்டை','பாயும் புலி','கெத்து' ஆகிய படங்களை பின்னுக்கு தள்ளி அவ்வருடத்தின் ப்ளாக் பஸ்டெராக அமைந்தது.உறவுகளின் தேவையையும், அவசியத்தையும் தனிக்கே உரிய பாணியில் சொன்னார் பொன்ராம்.இப்படத்தின் மூலம் தான் ஒரு சிறந்த வசனகர்த்தா என்று நிரூபித்து காட்டினார்.


3வது படம்-அதே கூட்டணி
மீண்டும் அதே காம்போ 3வது படத்திலும் தொடர்கிறது.சிவகார்த்திகேயன்,சமந்தா,சூரி,நெப்போலியன்,சிம்ரன் என நட்சத்திர பட்டலாமே இதில் நடிக்கிறது.ஆர்.டி. ராஜா இதை தயாரித்து வருகிறார். பீரியட் காமெடி படமாக இது உருவாகி வருகிறது.அதே இமான்,யுகபாரதி,பாலசுப்ரமணியம் கூட்டணி இணைந்துள்ளது.எனவே படத்திற்கு மிகப்பெரிய எதிர்பார்ப்பு ஏற்பட்டுள்ளது.பொன்ராமிற்கு இது மற்றுமொரு ப்ளாக் பஸ்டர் ஆக அமையும் என்பதில் ஐயம் ஏதுமில்லை.காமெடி+பேமிலி+ஆக்ஷன் என்ற கூட்டுகலவையாக உருவாகி வரும் இப்படம் 2018 கோடையில் வரவிருக்கிறது.
                      
தயாரிப்பாளர்கள் பற்றி
'ஒருவரை நம்பி பட வாய்ப்பு கொடுப்பது என்பது சாதாரணம் அல்ல. முதல் பட வாய்ப்பு கொடுக்கும் தயாரிப்பாளர்தான் நமக்கு கதாநாயகன், ஹீரோ. எல்லாமே. அதை நாம் மறந்துவிடக் கூடாது' என்று  ஒரு நிகழ்ச்சியில் கூறியுள்ளார்.

தொகுப்பு : ர.ரகுபதி