வலைபாயுதே

www.facebook.com/RedManoRed:  வாட்டர் கேன் தூக்கிட்டு மூணாவது மாடிக்கு ஏறப்போறேன். ஜெய் #பாகுபலி

www.facebook.com/boopath23: கடைசியா பண்ணிக்கலாம்னு ஒதுக்கி வச்ச விஷயத்தாலதான் முதல் அடி விழும்!

twitter.com/jeytwits: பெற்றவர்களின் பேச்சைக் `கேட்காமல்' போவதில் ஆரம்பிக்கிறது இளமை.பிள்ளைகளின் பேச்சைக் `கேட்டும் கேட்காதது'போல் போவதில் ஆரம்பிக்கிறது முதுமை!

twitter.com/dhrogi: இவர்களுக்கென்ன உடைத்துவிட்டுப் போய்விடுகிறார்கள்... சிதறல்களை நாம்தானே சேர்க்க வேண்டி இருக்கிறது.

facebook.com/rajhkumar.ranjan: உங்கள் நேரம் போவதற்கு மட்டும் எங்களை நினைக்காதீர்கள்

witter.com/aroobii_: உங்களின் தேவை தீர்ந்துபோன இடங்களில் நீங்கள் ஏற்கெனவே தொலைந்துவிட்டீர்கள்.

facebook.com/srideviramya.a: எத்தனை நூற்றாண்டு ஆனாலும், இந்தக் கேள்விக்கு இந்தப் பதில் மட்டும் மாறாதுபோல.

`ஏன் லேட்டு?'

`லேட்டாயிடுச்சு!'

twitter.com/aroobii_: வெகு அதீதமாகப் புகழ்ந்து விடுகிறீர்கள். பிறகெப்போதும் சிறு குறை சொல்லக்கூட உங்களுக்கே வழியில்லாதபடி.

twitter.com/Aiyswarya: பக்கத்துல ஒரு அக்கா பேசிட்டு இருந்தாங்க சரியா கேட்கல சத்தமா பேசுங்கனு சொல்றதுக்குப் பதிலா சவுண்ட் வையுங்கனுட்டேன்..திக்குனு பார்க்கறாங்க

twitter.com/expertsathya: அடுத்த தலைமுறைக்கு, நாம் பணத்தை மட்டுமே வைத்துவிட்டு செல்ல போராடுகிறோம்.

facebook.com/perumal.karunakaran.1: ப்ரியம் என்பது... உன்னை நினைத்துக்கொண்டே அடுத்தவர்களிடம் கவனம் இல்லாமல் பேசிக் கொண்டிருப்பது.

twitter.com/ikfizi: எல்லா மாற்றங்களும், ஏதாவதொரு ஏமாற்றத்திலிருந்தே தொடங்குகின்றன.

twitter.com/Rajendran Raina: தன் நாட்டை காப்பாத்த எதிரி நாட்டுக்கூட சண்டை போட்டால் அது #பாகுபலி 1.

தன் நாட்டை காப்பாத்த தன்  குடும்பத்துகூட சண்டை போட்டால் அது #பாகுபலி 2.

twitter.com/aroobii:  வேறுவழியின்றி பொறுத்துக் கொள்வதை, பொறுமையாக இருப்பதாக எண்ணி குழப்பிக் கொள்கிறீர்கள்.

twitter.com/laksh_kgm: வெளிச்சம், வேறுபடுத்துகிறது. இருள், எல்லாம் ஒன்று என்கிறது!

facebook.com/Umanath Selvan

ஏதோ கொஞ்சம் வளர்ந்துட்டேன். அதுக்காக எனக்கு போலியோ ட்ராப் போடமாட்டேன்னு சொல்லி சிரிப்பதெல்லாம் வன்முறையில் சேராதா?

twitter.com/CreativeTwitz

பொழுது போகவில்லையா? வாழ்க்கையில் முன்னேறுவது எப்படினு சொந்தகாரங்களுக்கு போன் பண்ணி கேட்டு பாருங்கள். நல்லாவே பொழுது போகும்...) #verified

#ட்ரெண்டிங்

Trump 100 daysதான் சென்ற வாரத்தின் வைரல் வெடி. நூறு நாள்கள் ஆட்சியை முடித்திருக்கிறார் ட்ரம்ப். இந்த நூறு நாள்களில் அவர் செய்த காமெடிகளும் அதிரடியான அறிவிப்புகளும் அலறவைக்கும் தடைகளும் என எல்லாமே இணையத்தில் மீம்ஸ்களாக, ஸ்டேடஸ்களாக மாறின. அமெரிக்க சரித்திரத்திலேயே முதல் நூறுநாள்களிலேயே மிக அதிக சட்டங்களுக்கு (29 சட்டங்கள்) ஒப்புதல் கொடுத்த ஆள் என்கிற சாதனையையும் ட்ரம்ப் நிகழ்த்தி இருக்கிறார். கூடவே அதிக எதிர்ப்பு போராட்டங்களை சந்தித்த முதல் அதிபர் என்கிற சாதனையும்தான்... சமூக வலைதளங்களில் ஏராளமான ரசிகர்களைக் கொண்ட ட்ரம்ப்க்கு இந்த நூறுநாள்களில் அங்கும் சரிவுதானாம். அவருக்கு வருகிற லைக்ஸ் மற்றும் ஆர்டி எண்ணிக்கையும் இந்த நூறுநாள்களில் பெரிய சரிவை சந்தித்திருக்கிறது!

கருத்தா பேசுவாரு

காரமடைக்காரர் இந்த @savidhasasi. உண்மையானப் பெயர் சசித்ரா தாமோதரன். மகப்பேறு மருத்துவர். எளிய தமிழில் அரிய மருத்துவ விஷயங்களை அடிக்கடி பகிர்ந்துகொள்ளும் நல் உள்ளம். அது போலியோ தினமாகட்டும், பேலியோ தினமாகட்டும் அன்றைய தினம் இவரது ட்விட்கள் தொடர்ந்து அவற்றின் நன்மை தீமைகளை மருத்துவரீதியாக விளக்கிக் கொண்டிருப்பதைக் காணலாம். மருத்துவத்துக்கு இணையாக புத்தக வாசிப்பை நேசிப்பவர். நண்பர்களின் நேசத்துக்கும் அவ்வப்போது நேரம் கொடுக்கிறார் என்பது எழுத்துகளில் தெரியும்.